Пакистаны Ерөнхий сайд Имран Хан ням гаригт Пакистаны Үндэсний Ассемблейг тарааж, шинэ сонгууль явуулахыг уриалж, түүнийг албан тушаалаас нь огцруулах, итгэл үзүүлэхгүй байх санал хураалтыг хаажээ.

Энэ алхам нь цэргийнхний дэмжлэгийг алдсан ч засгийн эрхэнд үлдэх Ханы саналаас үл хамааран улс орныг үндсэн хуулийн хямралд оруулах аюул заналхийлж байна гэж шинжээчид үзэж байна. Хан өнгөрсөн бямба гаригт санал хураалтын дүнг хүлээн зөвшөөрөхгүй гэдгээ мэдэгдэж, тус явуулгыг АНУ-ын хийж буй өөрийнх нь эсрэг хийж буй хуйвалдааны нэг хэсэг хэмээн хэлсэн байна.

Сөрөг хүчний удирдагчид Ханыг эх орноосоо урвасан гэж буруутгаж, тус улсын Дээд шүүхээс хөндлөнгөөс оролцохыг хүссэн бөгөөд энэ хэргийг "урьд өмнө байгаагүй" мөн Пакистаны Үндсэн хуулийг "илэрхий зөрчсөн" гэж үзжээ.

Даваа гаригт буюу өнөөдөр шүүх хурал товлогдсон байна.

Улс төрийн ийм арга, үйлдлүүд нь Талибуудыг дэмждэг цөмийн зэвсэгтэй Пакистаны эмзэг ардчиллыг тогтворгүй болгох эрсдэлтэй. Пакистан 1947 онд тусгаар тогтносон улс болсноос хойш нэг ч Ерөнхий сайд бүрэн эрхээ дуусгаагүй юм.

Крикетийн од байсан Хан 2018 онд авлигатай тэмцэж, хэцүү түүхтэй Пакистан улсыг АНУ-аас холдуулна гэсэн үндсэрхэг үзэлтэй амлалтаар ерөнхий сайд болон сонгогдсон. Хэрвээ Ханыг огцруулбал Пакистаныг АНУ болон барууны орнуудтай улам ойртуулж чадна гэж олон шинжээчид үзэж байна.

Б.Бүжлхамаа

www.nytimes.com