Европын Холбооны гишүүн дөрвөн улс Оросын дипломатчидыг тагнуулын ажиллагаа явуулсан хэмээн үзэж нутаг дэвсгэрээсээ хөөжээ. Өчигдөр Ирланд, Бельги, Нидерланд, Чех улсад суугаа ОХУ-ын элчин сайдын яамны нийт 43 ажилтныг тагнуулын үйл ажиллагаа явуулсан хэмээн буруутгаж, уг шийдвэрийг гаргасан байна.

Бельгийн гадаад хэргийн сайд Софи Уилмес өчигдөр энэ иалаар мэдээлэхдээ “үндэсний аюулгүй байдалтай холбоотой” гэж тайлбарласан байна.

Харин Нидерландын гадаад хэргийн яам тагнуулын нууц ажиллагаа явуулсанд сэжиглэгдэж буй Оросын 17 дипломатчийг хөөхөөр болсноо мэдээлжээ.

Мөн Ирландын ерөнхий сайд Майкл Мартин өчигдөр тагнуулын байгууллагынхаа зөвлөмжийн дагуу Оросын элчингийн дөрвөн ажилтныг хөөх болсноо парламентдаа мэдэгдсэн байна. Тэрээр Оросын дипломатчидын явуулж буй үйл ажиллагаа олон улсын дипломат ёсны стандартад нийцэхгүй байна гэж тайлбарлажээ.

Уг шийдвэрүүдтэй зэрэгцэн Чех улсын засгийн газар мөн Прага дахь ОХУ-ын элчин сайдын яамны дэд тэргүүнийг хөөж байгаагаа мэдээлсэн байна.

Өнгөрсөн долоо хоногт Польш улс Оросын элчин сайдын яамны 45 ажилтныг тагнуулын ажиллагаа явуулсанд буруутган хөөх шийдвэр гаргасан юм6

www.bbc.com