АНУ-ын Ерөнхийлөгч Жо Байден ОХУ-ын ерөнхийлөгч Владимир Путины тухай "Бурханы өмнөөс гуйя, энэ хүн засгийн эрхэнд үлдэж чадахгүй" гэж Варшавт болсон уултын үеэр хэлжээ. Харин Кремль хариуд нь, "Үүнийг Байден шийдэхгүй. Оросын ерөнхийлөгчийг оросууд сонгодог" гэлээ.
АНУ-ын ерөнхийлөгч хэлсэн үгэндээ "Украины ард түмэнд илгээх миний илгээлт... бид та нартай хамт байна" гэжээ.
Байден өчигдөр Польш улсад Украины Батлан хамгаалах болон Гадаад хэргийн сайд нартай хэлэлцээ хийсэн юм.
Энэ үеэр Украины Львов хотод хүчтэй дэлбэрэлтүүд болсон байна. Украины баруун хэсэгт байрлах хотын захад өтгөн хар утаа тархжээ. Ерөнхийлөгч Владимир Зеленский Украин Оросын цэргийн хүчинд "хүчтэй цохилт", "их хэмжээний хохирол" учруулсан гэж мэдэгдэв.
Мөн энэ өдөр Туркийн Гадаад хэргийн сайд Мевлүт Чавушоглу Катарт болсон Дохагийн чуулга уулзалтын үеэр мэдэгдэл хийлээ. Тэрээр мэдэгдэлдээ, “Оросын олигархиуд олон улсын хуулийг хүндэтгэж чадвал Туркт бизнесээ үргэлжлүүлж болно” гэжээ.
Оросын тэрбумтан Роман Абрамовичийн хоёр супер дарвуулт онгоц энэ долоо хоногт Туркт буудалласан байна.
Үүнээс ажиглахад Орос, Украинтай хүчтэй харилцаатай НАТО-гийн гишүүн Турк улс Москвагийн олигархиудыг чиглэсэн барууны хоригт нэгдэхгүй бололтой.
Б.Бүжлхамаа
www.bbc.com
