Украин дахь цэргийн кампанит ажлынхаа эхний үе шат дууссан гэж Оросын арми мэдэгдлээ. Одоо Орос улс Оросын талыг баримтлагч салан тусгаарласан хоёр бүгд найрамдах улс, Донбас мужид хүчин чармайлтаа төвлөрүүлнэ гэж мэдэгдэв. Энэхүү мэдэгдэл нь Оросын дайны өмнөх стратеги бүтэлгүйтсэн гэдгийг мэдэгдэж байгаа хэрэг гэж Барууны албаныхан үзэж байна. 

Энэ хооронд АНУ-ын Ерөнхийлөгч Жо Байден Польшид Европ дахь айлчлалын сүүлийн өдрөө өнгөрөөж байна. 

Украин Киевээс зүүн тийш зарим хот, хамгаалалтын байрлалыг дахин эзэлж байна гэж Их Британи мэдэгдэв. Украины Мариуполь хотын нэгэн албан тушаалтан ВВС-д өгсөн ярилцлагадаа, өнгөрсөн долоо хоногт театрт халдлага болж 300 орчим хүн амь үрэгджээ. Зүүн өмнөд хэсэгт орших боомт хот сүйдсэн бөгөөд сэргээн босгоход олон жил шаардагдана гэж хэлэв.

Үүний өмнө АНУ, Европын холбоо Оросын эрчим хүчнээс Европын хамаарлыг бууруулах зорилгоор байгалийн хийн томоохон гэрээ байгуулснаа зарласан. 

Европ Украины түрэмгийллийн улмаас Оросын байгалийн хийн хэрэглээгээ багасгахыг оролдож байна. Энэ долоо хоногийн эхээр ОХУ-ын Ерөнхийлөгч Владимир Путин "найрсаг бус" улс орнууд хийг рублиэр худалдаж авахыг хүсч байна гэж мэдэгдсэн. Энэхүү арга хэмжээ нь энэ жил 20 гаруй хувиар унасан Оросын мөнгөн тэмдэгтийн ханшийг өсгөх зорилготой гэж ойлгож байгаа.

Харин Францын ерөнхийлөгч Эммануэль Макрон Оросын байгалийн хийн төлбөрийг рублиэр төлөх шаардлагыг хүлээж авах үндэслэлгүй гэж мэдэгдлээ.

Б.Бүжлхамаа

www.bbc.com