НАТО-гийн Ерөнхий нарийн бичгийн дарга Йенс Столтенберг Болгар, Унгар, Румын, Словак дахь эвслийн зүүн жигүүр дэх байлдааны бүлгийг хоёр дахин нэмэгдүүлэх төлөвлөгөөтэй байгаагаа зарлав. Энэ үеэр Ерөнхийлөгч Байденыг томоохон дээд хэмжээний уулзалт хийхээр Брюссельд газардлаа.  

НАТО-гийн үйл ажиллагаа болон удахгүй болох уулзалтууд нь Орос Украины довтлогоо өргөн хүрээтэй мөргөлдөөн болон хувирахаас сэргийлэн авч хэрэгжүүлж буй барууны хамтын хүчин чармайлтын хатуу шийтгэлийн нэг хэсэг юм. Мөн Байден энэ долоо хоногт Оросын хууль тогтоогчдод шинэ хориг арга хэмжээ авах төлөвтэй байна.

Мөргөлдөөн эд өрнөж буй Украины Киев хотод өнөөдөр пуужингийн мөндөр хотын төвийн ойролцоох орон сууцны хороололд бууж, их хэмжээний хохирол учруулсан ч азаар айхтар олон хүн бэртэж, үрэгдээгүй байна. Британийхан Украины хойд хэсэгт байрлах Оросын арми олон хоногийн турш хөдөлгөөнгүй байсан гэж таамаглаж байна. Үүнээс улбаалаадОросын цэргийнхний давших хурд мухардаж байгаа гэж мөн үзэж байна. 

Гадаадад хандаж буй уриалга: Украины Ерөнхийлөгч Владимир Зеленский Японы парламентад товч үг хэлэхдээ тус улсын цөмийн гамшиг, химийн зэвсгийн халдлагын тухай дурсамжид хандаж үг хэлж, дэмжлэг авахыг оролдсон байна.

Германы гашуун түүх тэднийг цэргийн хүчинд хөрөнгө оруулах дургүй болгосон. Гэвч Орос Украиныг эзлэн орсны дараа Герман аюулгүй байдлын арга барилаа өөрчилхөд хүргэж байна.

Эсэргүүцэл: Орос Украиныг хурдан булаан авч чадаагүй нь зарим хүмүүсийг Путины цэргийн удирдлагад эргэлзэхэд хүргэж байна. Путины засгийн газрын хамгийн өндөр албан тушаалтнуудын нэг болох цаг уурын асуудал эрхэлсэн элч дайны улмаас ажлаа хүлээлгэн өгчээ.

Тагнуулын програм: Израилийн засгийн газар сүүлийн жилүүдэд Украин, Эстони улсуудын тагнуулын програм хангамжийн хүчирхэг хэрэгсэл болох Pegasus-ийг худалдан авч ашиглах хүсэлтээс татгалзжээ. Учир нь Изриалийн Оростой харилцах харилцаанд сөргөөр нөлөөлнө гэж эмээж байна.

Б.Бүжлхамаа

www.nytimes.com