АНУ-ын Ерөнхийлөгч Жо Байден баасан гаригт БНХАУ-ын дарга Ши Жиньпинд Бээжин ОХУ-ын Украиныг түрэмгийлэхэд материаллаг дэмжлэг үзүүлбэл ямар үр дагавар гарахыг анхааруулсан гэж Цагаан ордон мэдэгдлээ. Мөн хоёр тал хямралыг дипломат аргаар шийдвэрлэх шаардлагатайг онцолжээ.
Цагаан ордон энэхүү ярианд дурьдагдсан үр дагаварууд юу байж болох, "материаллаг дэмжлэг" гэдгийн АНУ хэрхэн тодорхойлох талаар дэлгэрэнгүй мэдээлээгүй ч хэвлэлийн нарийн бичгийн дарга Жен Псаки Хятадын асар их худалдааны урсгалд нөлөөлж болзошгүй гэж мэдэгдэв.
Дэлхийн хамгийн том экспортлогч Хятад улс худалдааны тариф эсвэл хориг арга хэмжээ авах боломжтой эсэхийг асуухад Псаки ээлжит хэвлэлийн бага хурал дээр "Иймэрхүү хориг арга хэмжээ бол хамгийн ойлгомжтой хэрэгслийн нэг" гэж хэлэв.
Цагаан ордны хэвлэлийн нарийн бичгийн дарга Псаки Байден, Ши хоёрын хооронд хоёр цаг орчим үргэлжилсэн бөгөөд АНУ аливаа үр дагаврыг "Европын түншүүд болон хамтрагчуудтайгаа тохиролцсны дараа Бээжинд шууд мэдэгдэнэ" гэсэн байна.
Дэлхийн хоёр том гүрний хооронд хурцадмал байдал улам ширүүсч байгаа энэ үед болсон уриалгад Байден АНУ болон түүний холбоотнууд Украины түрэмгийллийн эсрэг хариу арга хэмжээ авах, тэр дундаа Орост зардлаа ногдуулах зэрэг хүчин чармайлтыг нарийвчлан тодорхойлсон байна.
"Ерөнхийлөгч үнэхээр Хятадаас тодорхой хүсэлт гаргаагүй. Миний бодлоор Хятад улс өөрөө шийдвэрээ гаргана гэж би бодож байна" гэв.
Хятадын Гадаад хэргийн яам, "Ши Жиньпин Байденд Украины дайныг аль болох хурдан зогсоох ёстой" гэж хэлээд "НАТО-гийн орнуудыг Москватай яриа хэлэлцээ хийхийг уриалсан" гэлээ.
Б.Бүжлхамаа
www.reuters.com
