Нэгэн цагт дэлхийн хамгийн түрэмгий коронавирусийн бодлогыг хэрэгжүүлж байсан Өмнөд Солонгост халдварын тоо огцом нэмэгдэж байна. Өчигдөр буюу пүрэв гаригт өдөр тутмын хамгийн их халдварын тохиолдол бүртгэгдсэн тухай мэдээлэв.

50 гаруй сая хүн амтай тус улсад өдөрт дунджаар 600 мянга тохиолдол бүртгэгдэж байна.

Гэхдээ тус улс жижиг бизнесүүдийг ажиллуулж, хэвийн амьдралыг сэргээхийн тулд нийгмийн зай барих, тусгаарлах арга хэмжээг хөнгөвчлөх, хилийн хязгаарлалтыг зөөлрүүлж, вирустайгаа амьдарч сурах төлөвлөгөөгөө урагшлуулсаар байна.

Тохиолдлын тоо нэмэгдэх тусам эмнэлгүүд ачаалал ихтэй болж, эмч нар хүнд байдалд байна. Тус улсын насанд хүрсэн хүн амын дийлэнх нь вакцинд хамрагдсан бөгөөд 60 ба түүнээс дээш насны хүмүүсийн 90 орчим хувь нь вакцин хийлгэсэн байна. Вакцин хийлгэсэн хүмүүст хүнд өвчин тусах эрсдэл бага юм.

Дэлхийн бусад хэсэгт ковидтой холбоотой:

• БНХАУ-ын дарга Ши Жиньпин ковидын хатуу арга хэмжээнүүдийн ард түмний амьжиргаанд үзүүлэх нөлөөг багасгахыг албаныханд уриалав.

• Европт хурдацтай тархаж буй, илүү халдвартай Omicron дэд хувилбар болох BA.2-оор өдөөгдсөн ковидын дахисан давалгаа АНУ-д ойртож байна гэж мэргэжилтнүүд анхааруулж байна.

• Ирландын Ерөнхий сайд Мишеал Мартин Гэгээн Патрикийн баярын өмнөхөн шинжилгээгээр эерэг гарсан байна.

Б.Бүжлхамаа

www.nytimes.com