Сирийн Дамаск хотын ойролцоо хоёр газар бөөн булш олдсон байна. Эдгээр цогцоснуудыг Ерөнхийлөгч Башар аль-Асадын хүчнийхний удирддаг цагдан хорих төвд амь үрэгдсэн олон мянган сиричүүдийнх гэж үзжээ.
"The Times" сонинд нууцлаг булшны дэргэд ажиллаж байсан дөрвөн Сири эртэй хийсэн ярилцлага нь хиймэл дагуулаас авсан зургуудыг судлахад хүргэсэн байна. Эдгээр сэжүүрүүд нь булшны байршлыг илрүүлэхэд туслажээ. Тэнд ажиллаж байсан хүмүүсийн хэлснээр энэхүү хоёр масс булш аль аль нь олон мянган цогцостой аж.
Булшнууд нь аль-Асадын цэргүүдийн үйлдсэн дайны гэмт хэрэг, тэр дундаа системчилсэн эрүү шүүлт зэрэг хүчтэй нотлох баримтуудыг агуулж болох юм.
Сирид 11 жил үргэлжилсэн иргэний дайны туршид 144,000 гаруй хүн засгийн газрын цагдан хорих төвд ор сураггүй алга болжээ. Тэдний олонх нь нас барсан гэж таамаглаж байна.
АНУ-ын Сангийн яам өнгөрсөн жил дор хаяж 14,000 хүн эрүүдэн шүүгдэж нас барсан гэж мэдэгдсэн ч бодит тоо нь бараг илүү байх нь гарцаагүй.
Аль-Ассадын эрх мэдэлтэй байгаа энэ үед цогцсыг тоолж, таних нь юу л бол. Мөн өндөр албан тушаалтнууд дайны үеийн харгис хэрцгий байдлын төлөө хэзээ ч хариуцлага хүлээж байгаагүй юм.
Б.Бүжлхамаа
www.nytimes.com
