Чех, Польш, Словенийн Ерөнхий сайд нар өчигдөр галт тэргээр Украины нийслэл Киевт очжээ. Тэд Европын холбоо Украинд дэмжлэг үзүүлж буйг ийн илэрхийлжээ.
Түүнчлэн ирэх долоо хоногт Ерөнхийлөгч Байден Брюссельд очиж, дайны тухай НАТО-гийн тусгай уулзалтад оролцохоор болсон байна.
Мягмар гаригийн айлчлал хотыг тойрон тэмцэл өрнөж байгаа үед тохиож байгаа бөгөөд Киевт үүр цайх үед дэлбэрэлт болж, дөрвөн хүн амиа алдсан гэж хотын дарга мэдэгдлээ.
Украины арми зүүн болон өмнөд хэсгийн довтолгоог няцааж байгаа тул Оросын давшилт хэд хэдэн фронтод зогсонги хэвээр байна. Гэвч Оросын Батлан хамгаалах яам хоёр долоо хоногийн өмнө гол хотыг эзлэн авсныхаа дараа Херсон мужийг бүхэлд нь эзэлсэн гэж мэдэгдсэн юм.
Бүс нутгийн амбан захирагч Виталий Ким Оросын Николайевыг авах гэсэн оролдлого нь цуст галт мөргөлдөөнд хүргэнэ гэж таамаглаж байв. Оршин суугчид гудамжны өнцөг булан бүрт дугуй, шатдаг бөмбөг овоолжээ.
Бусад шинэчлэлтүүд:
Орос, Украины хэлэлцээчдийн хэлэлцээ мягмар гаригт дахин үргэлжилж, дипломат шийдэлд хүрэх явцуу замыг танилцуулсан байна.
Мөн Украины Ерөнхийлөгч Владимир Зеленский өнөөдөр АНУ-ын Конгресст цахимаар үг хэлнэ.
Түүнчлэн Энэтхэг улс ОХУ-тай нефтийн импортоо нэмэгдүүлэх талаар ярилцаж байгаа гэж мэдэгдлээ.
Б.Бүжлхамаа
www.nytimes.com
