Сүүлийн жилүүдэд Франц улсад байгаль орчны асуудал улам бүр нэмэгдэж, олон жагсаал цуглаан, шүүх хурал, мөн уур амьсгалын өөрчлөлтийн тухай хууль тогтоомж гаргах зэргээр бүх шатандаа тэмцэж байгаа. Гэсэн хэдий ч эдгээр асуудлыг хамгийн төвлөрсөн байдлаар урагшлуулж буй улс төрийн нам олон сонгогчийг цуглуулж чадсангүй. 

Францын Ерөнхийлөгчийн сонгуулийн эхний шат болоход 30 хүрэхгүй хоног үлдээд байгаа бөгөөд Ногоон намаас нэр дэвшигч Янник Жадот урьдчилсан санал хураалтад 5 орчим хувийн санал авч байна. Сонгуулийн өмнөх энэ үед олон нийтийн анхаарал аюулгүй байдал, цагаачлал, үндэсний онцлог зэрэг асуудлууд давамгайлан төвлөрч байгаа нь Франц сүүлийн үед баруун тийшээ шилжиж байгааг харуулж байна. Жадот цэвэр эрчим хүч рүү шилжих нь тэдний амьжиргаанд нөлөөлөхөөс болгоомжилж буй ажилчин ангийн сонгогчидтой тааруухан нөлөөлж байна.

Мөн Францын Ногоон намынхан гурван намын засгийн газрын нэг хэсэг болсон Германы нэгэн адил дипломат болон батлан ​​хамгаалах зэрэг асуудлыг шийдвэрлэх чадвартай, итгэл үнэмшилтэй засгийн газрын хүчин гэдгийг сонгогчдод ойлгуулж чадаагүй гэж шинжээчид үзэж байна.  

Байгаль орчныг хамгаалах хэд хэдэн бүлгээс гаргасан судалгаагаар сүүлийн дөрвөн долоо хоногт хэвлэл мэдээллийн хэрэгслээр сонгуулийн тухай мэдээлсний дөнгөж 2.5 хувийг уур амьсгалын асуудал эзэлж байна гэжээ. 

Б.Бүжлхамаа

www.nytimes.com