Дэлхийн зарим бүс нутагт дэгдэлт нь бага зэрэг намжиж байсан Омикроны давалгаа Зүүн болон Зүүн өмнөд Азийн зарим хэсэгт хурцадсаар байгаа бөгөөд тохиолдлын тоо нэмэгдэж, зарим улс орнууд тахлын хамгийн хүнд давалгааг даван туулж байна.

Хятад, Хонконг зэрэг газрууд хатуу дүрэм журмын дагуу ачааллыг бага байлгаж байсан ч сүүлийн үеийн өсөлт Япон, Өмнөд Солонгос, Вьетнамд улам дорджээ.

ДЭМБ-аас Бангладеш, Хятад, Энэтхэг, Пакистан, Филиппин зэрэг Азийн хэд хэдэн оронд бүртгэгдсэн омикроны дэд хувилбарын талаар санаа зовж байгаагаа илэрхийлэв.

Зүүн өмнөд Ази олон улсын аялал жуулчлалыг дахин нээж эхэлснээр Ковид тохиолдлын тоо өссөн байна. Аялал жуулчлалыг эргээд нээх зорилгоор Вьетнам мягмар гаригт жуулчдад хилээ нээж, ганцхан өдрийн тусгаарлах дүрэмтэй болжээ. Тайланд зочид буудлуудыг тусгаарлах, шинжилгээг нэвтрүүлж, Бали хорио цээрийн дэглэмээ цуцалж, Филиппин зарим бүс нутагт нийгмээс тусгаарлах шаардлагатай гэсэн боловч хорио цээрийн дэглэм тогтоогоогүй байна.

Дэлхийн бусад хэсэгт ковидтой холбоотой:

• BTS хамтлаг ковидын дараа буюу хоёр жил гаруйн хугацааны дараа Сөүл хотод амьд тоглолтоо хийлээ. Гэхдээ шүтэн бишрэгчдэд дэргэдээс нь хөгжөөн дэмжихийг зөвшөөрөөгүй байна.

• Теннисний од Новак Жокович вакцины статусын улмаас АНУ-ын теннисний тэмцээнд оролцохгүй.

• АНУ дөрөвдүгээр сарын дунд үе хүртэл онгоц болон бусад нийтийн тээврийн хэрэгсэлд амны хаалт зүүх шаардлагыг сунгав.

Б.Бүжлхамаа

www.nytimes.com