Дээд түвшний яриа хэлэлцээ дайныг зогсоох нь байтугай түр гал зогсооход зуучлах төдий ахиц дэвшилд хүрч чадаагүй тул Оросын арми Украин руу удаашралтай ч гэлээ давшилсаар байна.  

Байлдааны улмаас амь үрэгдэгсдийн тоо нэмэгдэж байгаа энэ үед хотын дарга оршуулгын газар дуусч байна гэж мэдэгджээ. Энэ зуур Оросын цэргүүд Беларусийн хилийн ойролцоох Чернигов хотыг бүслэн авсан юм. Оросын арми Буча хотыг хяналтандаа авч, баруун өмнө зүгт хөдөлж, Украины нийслэл Киевийг бүслэх оролдлого хийв.  Тэд мөн зүүн талаас Киев рүү ойртож байгаа.

Оросын цэргүүд амаржих газрыг бөмбөгдсөнөөс нэг өдрийн дараа Мариуполь хотыг бүсэлжээ.

Хэлэлцээр: Турк дэх Украин, Оросын дипломатчид энгийн иргэдийг аюулгүйгээр нэвтрүүлэх зорилгоор "гал зогсоох эсвэл хүмүүнлэгийн коридор" байгуулах талаар тохиролцоонд хүрч чадаагүй. ОХУ-ын Гадаад хэргийн сайд Сергей Лавров гал зогсоох хэлэлцээрийг байхгүй гэж мэдэгджээ.

Их Британийн засгийн газар пүрэв гаригт Оросын долоон олигархи, тэр дундаа “Челси” хөлбөмбөгийн клубын эзэн Роман Абрамовичийн эсрэг хориг арга хэмжээ аваад байна. Их Британи мөн гэр бүлдээ нэгдэх гэж найдаж буй Украины дүрвэгсдэд виз олгох үйл явцыг хялбаршуулсан тухайгаа мэдээлсэн байна.

Европын холбооны удирдагчид Украины эвлэлд нэгдэх хүсэлтийг хэлэлцэхээр пүрэв гаригт Францын Версаль хотод цуглажээ.

Дашрамд, Орос, Хятад, АНУ-ыг Украины дайны талаар ташаа мэдээлэл тараасан хэмээн буруутгажээ.

Б.Бүжлхамаа

www.nytimes.com