ОХУ-аас нийлүүлэлт тасарснаар дэлхийн нефть, металл, улаан буудайн үнэ нэмэгдлээ.

Оросын Украин дахь цэргийн ажиллагааны улмаас Барууны орнуудын ОХУ-д тавьсан өргөн цар хүрээтэй хориг тавьсан нь түүхий эдийн барааны дэлхийн үнийг эрчимтэйгээр нэмэгдүүлж байна. Долоо хоногийн дотор нефть 12–18 хувиар үнээ нэмэгдүүлэн олон жилийн өмнөх дээд үзүүлэлтээ харуулав. Мөн өнгөт металл 10-15 хувиар, улаан буудайн үнэ 17 хувиар нэмэгдэн 14 жилийн өмнөх дээд амжилтаа давтав. Хэдийгээр Орос экспортод нь хориг тавиагүй ч нийлүүлэлтийн гинжин урсгал хоригийн улмаас тасарчээ.

Нефтийн үнэ ханшийн зах зээл дээр 10 жилийн дээд амжилтыг тогтоов. Ройтерсийн мэдээлснээр, хойд тэнгисийн Брент нефтийн ойрын гэрээний үнэ гуравдугаар сарын 3-ний өдрийн 6 хувь гаруйгаар нэмэгдэн баррель нь 119,8 ам.доллар хүрсэн нь 2012 оны тавдугаар сарын 1-ний үнэнд хүрчээ. Ханшийн зах зээл дээр баррелийн үнэ нь 126,7 ам.доллар болсон нь 2012 оны дөрөвдүгээр сарын 3-ны хэмжээ байв. Оросын Urals нефтийн баррель нь 110 ам.доллар болов. Өдрийн сүүлчээр үнийн засвар хийгдсэнийг тооцсон ч нефтийн үнэ 12–18 хувиар нэмэгджээ.

Европын TTF хаб дээр байгалийн хийн үнэ нэг мянган шоо метр нь 2,78 ам.мянган доллар хүрсэн ба түүний үнэ долоохоногт 58 хувиар нэмэгдэв.

Мөн түүхий эдийн бусад бүтээгдэхүүний үнэ ч эрчимтэй өслөө. Өнгөт металлууд долоо хоногийн эхнээс 10-15 хувиар үнээ нэмсэн байна. Тухайлбал, LME бирж дээр никелийн үнэ 15 хувиар нэмэгдэн 2011 оноос хойш байгаагүй өндөрлөгт хүрэн тонн нь 28 ам.мянга болов. Хөнгөн цагааны тонн нь 3,7 ам.доллар хүрэн түүхэн амжилтад хүрлээ.

Ийнхүү үүссэн нөхцөл байдлаас дэлхийн эдийн засагт бүтцийн ямар өөрчлөлт гарахыг одоогоор хүлээх хэрэгтэй болж байна.

М.ЦОГТ