НҮБ-ын хүний эрхийн асуудал эрхэлсэн тэргүүн Мишель Бачелет ирэх тавдугаар сард Хятадад айлчлахаар болжээ. Айлчлалын товыг тохиролцох үеэр үзэл бодлоо илэрхийлэх эрх чөлөөг нь дэмжих талаар ярилцсанаа мэдэгдлээ.
Түүний айлчлалын хүрээнд 1 сая орчим Уйгурыг олноор нь баривчлан саатуулсан гэж хүний эрхийн активистүүд хэлдэг Шинжаан дахь алслагдсан баруун бүс нутгаар явах болно гэж тэрээр мэдэгдэв.
Хятад улс хүчирхийлэл үйлдсэн гэх зэмлэлийг няцааж, хуарангуудыг хэт даврагч үзэлтэй тэмцэх зорилготой мэргэжлийн төвүүд гэж тайлбарлаж, 2019 оны сүүлээр хуаранд байгаа бүх хүмүүс "сургуулиа төгссөн" гэж мэдэгдсэн билээ.
Бачелет Женевийн форумд хандаж видео мессежээр үг хэлэхдээ, Уйгарчуудын талаар удаан хүлээлгэсэн тайландаа үг дурдаагүй байна. Түүний оффис 3 жил хагасын өмнөөс нотлох баримт цуглуулж эхэлсэн бөгөөд арванхоёрдугаар сард хэвлэлийн төлөөлөгч нь долоо хоногийн дотор энэхүү Уйгарчуудын талаарх тайланг дэлгэнэ гэж амласан байна.
2005 онд Луиза Арбороос хойшхи НҮБ-ын Хүний эрхийн дээд комиссар Хятадад хийж буй анхны айлчлал болж байгаа ба айлчлалыг бэлтгэхээр түүний урьдчилсан баг дөрөвдүгээр сард Хятад руу явах юм.
Женев дэх Хятадаас НҮБ-д суугаа элчин сайд Чэнь Шү чуулга уулзалтад оролцохдоо өөрийн улсад үзэл бодлоо илэрхийлэх эрх чөлөө бүрэн хамгаалагдсан гэж хэлсэн ч "Үзэл бодлоо илэрхийлэх эрх чөлөө хэзээ ч хэн нэгнийг хуулиас дээгүүр тавих шалтаг болж чадахгүй" гэж нэмж хэлжээ.
Б.Бүжлхамаа
www.reuters.com
