Ерөнхийлөгч Байден ОХУ-ын газрын тос, байгалийн хийг АНУ-д импортлохыг хориглож, эдийн засгийн шийтгэлийг чангатгаж, энэ нь ОХУ-д маш хүнд үр дагаварт хүргэж болзошгүй гэж мэдэгдлээ.

Энэхүү арга хэмжээний дүнд АНУ-ын дотоодын хийн үнэ тус улсын дээд амжилт буюу галлон тутамдаа 4.17 ам.доллараас давж магадгүй боллоо. Мөн Их Британи улс энэ оны эцэс гэхэд Оросын нефтийн импортыг зогсооно гэж мэдэгдэв.

ОХУ-ын Ерөнхийлөгч Владимир Путин хориг арга хэмжээ авах, олон улсын бизнес эрхлэгчдийг орхин явахад хүргэж буй эрсдэлийг намдаахад чиглэсэн багц арга хэмжээнд гарын үсэг зурав. Үүнд тэтгэвэр тэтгэмжийг нэмэгдүүлэх, жижиг, дунд бизнес эрхлэгчдэд зориулсан зохицуулалтыг хөнгөвчлөх зэрэг багтжээ.

НҮБ-ын мэдээлснээр Украинд сүүлийн хэдэн арван жилд хамгийн хурдацтай өсөж буй дүрвэгсдийн хямрал болж байна гэж цохоод хоёр сая хүн эх орноосоо дүрвэсэн гэж мэдээллэв. ОХУ-ын дайралтаас болж нүүлгэн шилжүүлэх ажиллагаа олон хоног бүтэлгүйтсэний эцэст ядаж нэг хүмүүнлэгийн коридор нь Киевийн зүүн хэсэгт орших дайнд нэрвэгдсэн Сумы хотоос хэдэн зуун энгийн иргэдийг зугтаахад хангалттай удаан үргэлжилсэн юм.

Оросууд Донбассын бүс нутагт тулалдаж буй Украины цэргүүдийг зүүн талаар нь тусгаарлана гэж заналхийлж, эгзэгтэй хот болох Днепр рүү урагшилсаар байна.  

Украины арми мягмар гаригийн үүрээр Оросын гурван сөнөөгч онгоц болон далавчит пуужинг устгасан гэж мэдэгдэв. Хэрэв энэ нь батлагдвал Украины агаарын довтолгооноос хамгаалах систем, агаарын цэргийн хүчин дайнаас хойш бараг хоёр долоо хоног бат зогсож буй дохио юм.

Орост одоо бараг бүх хэвлэл мэдээллийн хэрэгсэл төрийн хяналтад байгаа тул Украин руу довтлохыг "халдлага" болон "дайн" гэж нэрлэж болохгүй аж. Бараг бүх мэдээг Кремлийн мессежтэй нийцүүлэхийн тулд ариутгасан гэв.

Нэгэн цагт Оросоос айж байсан Европын арми хуурай замын цэргүүдээс айх нь багассан гэж мэдэгдсэн ч шинжээчид Оросыг эцэст нь Украины армийг дарна гэж дүгнэж байна.

Б.Бүжлхамаа

www.nytimes.com