"Елисейн ордонд дахин суухын тулд Эмманюэль Макронд дөч хүрэхгүй хоног л үлдлээ"

Өнгөрсөн пүрэв гаригт Ерөнхийлөгч Эмманюэль Макрон “Францчуудад бичсэн захидлаа” нийтлүүлэн өөрийн тушаалдаа ирэх таван жилд үлдэх эрмэлзэлтэй байгаагаа  бичжээ. Гэвч тус захидалд Оросын талаар ганц ч үг хэлэгдсэнгүй.

Энэ алхамыг Эмманюэль Макронаас аль эрт хүлээж байсан ба олон улсын байдалд ямар хандаж байгааг хэн ч таамагласангүй. Оросын Украинд явуулж байгаа цэргийн тусгай ажиллагаа Францын Ерөнхийлөгчийг гадаад бодлогодоо төвлөрөхөд илүү чиглүүлж өгөв. Одоо Франц Европын зөвлөлийг даргалж байгаа нь бас түүнээс  үүнийг шаардсан байж болох юм. 

Хойшлуулах боломж ч байсангүй. Ерөнхийлөгчийн сонгууль өөрийн эхлэлтэй, гуравдугаар сарын 4-ний 18 цаг гэхэд Үндсэн зөвлөлд наад зах нь таван зуун улстөрчийн гарын үсэгтэй дэмжсэн тодорхойлолтыг сонгуулийн хороонд нэр дэвшигчид хүргүүлсэн байх ёстой. Сонгуульд нэвтрүүлэх тэр эрхийг “байлдаж байж авах ёстой” аж. Жишээлбэл, зүүний хүчний найдлага Кристиан Тобира өөрийн тодорхойлолтыг авч чадаагүй учир пүрэв гаригт сонгуулийн өрсөлдөөнөөс хасагдсан байна.

Эцэст нь Макронд сонгуулийн сурталчилгаагаа явуулах цөөн хугацаатай олдов. 

Сарын дараа сонгуулийн эхний шатны санал хураалт явагдана. Цар тахлын карантин, Украины хэрэг явдал гээд л түүнийг хойшлуулах шалтгаан байсан ч сонгууль хойшлогдсонгүй. Ерөнхийлөгч ямар нэгэн шалтгаан заан суудалтайгаа зууралдаад үлдэнэ гэж байсан хуйвалдааны онлынхны болгоожлол биелсэнгүй.

Гэлээ ч кампанит ажлын эхлэл хожуу байсан нь Эмманюэль Макронд зарим нэг  давуу байдлыг өгч байна. Тэрээр, сонгуулиас илүү улс орны сонирхол чухал гэдгийг францчуудад ойлгуулж байна. Бусад нэр дэвшигчид мэдэгдэл хийж амлалт өгөхөөс өөр боломжгүй бол тэр ажиллаж үзүүлж байна. Түүний уг ажиллагаа нь сонгуулийн дүр байсан гэдэгт эргэлзээ байхгүй.

Үүний тод жишээ нь Орос ба Украины  ерөнхийлөгч нарын хооронд хийсэн челнокийн дипломат юм. Гэхдээ түүний зүтгэл амжилт өгөөгүй. Тэр зэвсэгт мөргөлдөөнийг зогсоогоогүй.

Эмманюэль Макроны өрсөлдөгч нар “гуташигтай” ялагдал, Оросын Ерөнхийлөгч хатуу, ятгалагад нь ороогүй гэж байгаа. Гэхдээ францчуудын ихэнх нь ноён Макрон буулт хийгээгүй, гомдоогүй, Владимир Путинтэй шургуу ажилласаар ирсэн гэж харжээ.

Тэрээр “Францчуудад бичсэн захидалаа” нийтлээгүй байхдаа, нэр дэвшигч болоогүй тэр  орос ерөнхийлөгчтэй санал бодлоо солилцох шаардлагатай бөгөөд ирээдүйд ч хэрэгтэй гэсэн юм. Тэр “боломжийн хирээр” Владимир Путинтэй холбоотой байхаа хэлсэн юм.

Тэр сонгуулийн захидалдаа “Европын дайныг зогсоох” өөрийн оролдлогоо тодруулаагүй орхисон. Өмнөх яриандаа: "Бид Оростой дайтаагүй. Дэлхийн хоёрдугаар дайнд Европыг аврахын тулд олон зүйлээ золиослосон тэр аугаа ард түмэнтэй ямар холбоотойг бид бүгд мэдэж байгаа. Бид нэрээр нь нэр төргүй дайн явуулахын эсрэг байгаа эр зоригт, харицлагатай  орос хүмүүсийн талд байгаа" гэсэн юм.

Гэхдээ нэг талаасаа огт өөр ноён Макрон дэлхийд оросын үүрэг роль ямар байгааг, сөргөлдөөний үнэ цэнэ ойлгомжтойг чимээгүй хэлээд энэ шаардлагатай дүгнэлтийг францчууд хийх цаг нь болсон гэсэн санааг гарган тавьж байна.

Сонгуулийн эхний шатны санал хураалт Дөрөвдүгээр сарын 10-нд, хоёрдахь шатны сонгууль Дөрөвдүгээр сарын 24-нд явагдана.

М.ЦОГТ