Хятад улс эдийн засгаа өргөжүүлэх төлөвлөгөөгөө нарийвчлан тайлбарлаж, тогтвортой байдлыг "хамгийн тэргүүн зорилт" гэж тэмдэглэв. Энэхүү өөрчлөлт нь удирдагч Ши Жиньпин засгийн эрхэнд гарах шинэ үетэй давхцаж байна.
Коронавирусийн тахал болон Украины дайнтай холбоотой дэлхийн хэмжээнд эдийн засгийн хувьд тодорхойгүй болсон энэ цаг үед Хятадын удирдагчид итгэл найдвар, тайван байдлыг бий болгохыг хичээсэн ажээ. Бямба гаригт гаргасан засгийн газрын жилийн ажлын тайланд Оросын түрэмгийллийн талаар огт дурдаагүй аж.
Хятад улс Европын үймээн самууныг даван туулж, ард иргэдээ сэтгэл хангалуун байлгаж, намар болох Коммунист намын хурлаас өмнө ажилтай байлгахад анхаарлаа хандуулж, Ши Зиньпин засгийн эрх барих хугацааг сунгах нь улам бүр нэмэгдсээр байна гэсэн далд мессеж өрнөсөөр.
Бээжин засгийн газраас их хэмжээний зардал гаргаж, зээл олгохыг уриалж байна. Нийгмийн халамж, боловсролын зардал энэ онд 10 орчим хувиар нэмэгдэхээр байна. Хятадын цэргийн төсөв 7.1 хувиар өсөж, ойролцоогоор 229 тэрбум долларт хүрнэ. Энэ нь Бээжин улам бүр аюултай ертөнцөд бэлтгэж байгаагийн дохио юм.
Дотоод бодлогын хувьд Хятад улс дотоодын хэрэглээний зардлаас илүү "5.5 орчим хувь" тэлэх зорилт тавьж, эдийн засгийн өсөлтийг тэргүүлэх чиглэл болгож байна гэж төлөвлөгөөнд тусгажээ. Бээжин эдийн засгаа өрөнд түшиглэсэн дэд бүтэц, орон сууцны барилгын хараат байдлаас гаргахыг хичээж ажиллах нь тодорхой байна.
Б.Бүжлхамаа
www.nytimes.com
