ОХУ-ын эзлэн түрэмгийлэл эхлээд хэдийнэ 9 хоног өнгөрчээ. Дэлхийн улс орнууд өөр өөрсдийн байр сууриа илэрхийлж буй ч бүгд нэг дуугаар энгийн иргэд алагдах ёсгүй гэдгийг хэлсээр байна. Өнгөрсөн хугацаанд Украин улсаас нийт нэг сая гаруй хүн дүрвэсэн бөгөөд НҮБ-ын мэдээлж буйгаар энэ тоо ирэх өдрүүдэд 4 саяд хүрэх ажээ. 

ОХУ-ын түрэмгийлэл даамжирсаар байгаа тул ээжүүд болон хүүхдүүд Киевээс Львов руу нүүлгэн шилжүүлэх галт тэргэнд сууж байна. (AP: Вадим Гирда) 

Украинаас Польшид ирээд хүүхдээ тэвэрч буй нэгэн эмэгтэй нулимс дуслуулж байна. (Ройтерс: Кай Пфаффенбах)

Киевт агаарын довтолгооны дуут дохио сонсогдох үеэр нярай хүүхэд перинаталь тасгийн хонгилд уйлж байна. (Ройтерс: Валентин Огиренко) 

Киевээс Львов руу нүүлгэн шилжүүлэх галт тэргэнд сууж явсан хүүхдүүдтэйгээ аав нь салах ёс гүйцэтгэж байна. (Ройтерс: Глеб Гаранич)

Хүүхдүүд Киевээс Львов руу нүүлгэн шилжүүлэх галт тэргэнд суухыг хүлээж байхдаа агаарын довтолгооны дуут дохионд хариу үйлдэл үзүүлж байна. (Ройтерс: Глеб Гаранич)

Украинаас зугтсан хүүхдүүд Польшийн галт тэрэгний буудал дээр түр хуаранд амарч байна. ABC: Brendan Esposito)

Украинаас Польш руу галт тэрэг ирэх үед хүүхэд зөөлөн тоглоом тэвэрч буй нь. (Ройтерс: Яра Нарди)

Унгарын нэгэн сүмд Украиныг орхин явсан эцэг эх, хүүхдүүдийг хүлээн авах өрөөнүүдэд байрлажээ. (AP: Anna Szilagyi)

Украин-Словакийн хилийг давж гарсан хүү ээжийнхээ гараас зуурч байна. (Ройтерс: Лукаш Гловала)

Румынд эх орноосоо дүрвэж буй украинчуудад зориулж майхан барьжээ. (AP: Andreea Aleksandru)

Хүүхдүүд Польшид ирснийхээ дараа галт тэрэгний буудлын тавцан дээр тоглож байна.(Ройтерс: Яра Нарди)

Украиныг орхин гарсан хүүхдүүд Польшийн хилээр гарсны дараа эцэг эхийнхээ хамт автобус хүлээж байна. (AP: Visar Kryeziu)