Украины Ерөнхийлөгч НАТО-гийн удирдагчдыг өөрийнх нь нутаг дэвсгэр дээр нислэгийг хориглосон бүс байгуулахаас татгалзсаныг буруушаав.

Орос улс Facebook-ийг хориглосон байгаа бөгөөд одоо Twitter, YouTube-ийн хандалтыг хаасан гэх мэдээлэл байна.

НҮБ-ын Аюулгүйн зөвлөлийн яаралтай хуралдаан дээр АНУ "Европын хамгийн том цөмийн станц руу Орос дайралт хийсэн нь бодлогогүй үйлдэл" гэж мэдэгдэв.

Элчин сайд Линда Томас Гринфилд "Бурханы нигүүлслээр өнгөрсөн шөнө дэлхий нийт цөмийн сүйрлээс зайлсхийлээ" гэсэн юм.

Зарим барилга байгууламжийг дэлбэлсний дараа Оросын хүчнийхэн үйлдвэрийг эзлэн авсан бөгөөд энэ үеэр хүний ​​амь нас эрсдэж, хүмүүс шархадсан гэж Украин мэдэгдэж байгаа боловч ОХУ аюулгүй байдалд ямар нэгэн аюул занал учруулахгүй гэж мэдэгдээд, үйлдвэр рүү гал нээсэн нь "үнэн биш" гэж байна.

Олон улсын ажиглагчид цацраг идэвхт бодис илрээгүй, үйлдвэр аюулгүй гэж мэдэгджээ.

Оросын гурван командлагч фронтын шугам руу ойртож байгаад амь үрэгдсэн гэж Барууны албаныхан мэдээллээ.

Б.Бүжлхамаа

www.bbc.com