Оросын тэрбумтан, бизнесмен Роман Абрамович Английн хөлбөмбөгийн "Челси" клубыг худалдахаар шийдсэн тухай тус клубын хэвлэлийн алба албан ёсоор мэдээлэв.

Роман Абрамович тодруулснаар, тэр клубыг хурдан хугацаанд зарахгүй бөгөөд бүх худалдаанаас орж ирэх мөнгө нь  өөрийнх нь байгуулсан буяны санд орох юм байна.

Тэрээр "Клубын ашиг сонирхолоос үүдэн би шийдвэрээ гаргаж ирсэн. Өнөөгийн нөхцөлд клубыг худалдах нь хамгийн зөв шийдвэр бөгөөд энэ нь хөгжөөн дэмжигчид, ажилтнууд, клубын ивээн тэтгэгчдэд хэрэгтэй. "Челси"-тэй ингэж хагацах нь надад их хүнд шийдвэр байлаа. Миний хувьд "Челси" клубын нэг хэсэг байсан нь нэр хүндийн хэрэг байлаа” хэмээжээ.

ОХУ-ын Украинд явуулж байгаа ажиллагааныхаа улмаас хориг арга хэмжээ авч байгаатай холбоотойгоор Абрамович клубын удирдлагаа буяны санд шилжүүлсэн байв. Тэрээр Английн хөлбөмбөгийн клубыг 2003 онд ойролцоогоор £140 тэрбум фунтаар худалдан авч байв. Энэ хугацаан клуб таван удаа Английн аварга, Английн цомын эзнээр гурван удаа, тус орны супер цомыг хоёр удаа авч, Аваргуудын лигид (2012, 2021) ба Европын лигийн  аваргад (2013, 2019) тус тус  хоёр удаа түрүүлсэн байв.

М.Цогт