Гурван долоо хоног гаруй үргэлжилсэн жагсаал Шинэ Зеландын Веллингтон хотын төв болон парламентын өмнөх талбайг эзэлж, тус улсын вакцины мандатыг эсэргүүцэн тэмцэж буй олон жагсагчил цагдаа нартай мөргөлджээ.

Энэ долоо хоногт цагдаа нар түрэмгий арга хэмжээ авч, майхан, бие засах газар, гал тогоо буулгаж, жагсагчдыг явахыг шаардав. Янз бүрийн аргаар жагсаалыг болиулахыг оролдож байсан ч дийлэнх эсэргүүцлийн хөдөлгөөн тайван замаар өрнөж байв.

Гэвч зарим цуст мөргөлдөөн үүсч, энэ үеэр жагсагчид гал унтраагч, будгаар дүүргэсэн сум, гар хийцийн фанер бамбай, сэрээ барин эсэргүүцлээ илэрхийлэв. Зарим нь офицерууд руу чулуугаар дайрчээ. Бусад нь хийн түлшээр ажилладаг гал дээр хог хаягдлыг овоолон шатааж, тоглоомын талбай дээр дэлбэрэлт үүссэн байна.

Энэхүү эсэргүүцлийн үеэр наад зах нь 60 хүнийг баривчилж, гурван офицерыг эмнэлэгт хүргэжээ.

Тус улсын тахлын эсрэг маш хязгаарлагдмал арга барил нь Шинэ Зеландчуудын цөөнх бүлгийг өөрөөсөө холдуулсан бололтой, тэдний ихэнх нь вакцины мандатыг дагаж мөрдөхөөс татгалзсаны дараа ажилгүй хоцорсон аж.

Дэлхийн бусад хэсэгт ковидтой холбоотой: 

• Хонг Конгийн ядуу оршин суугчид тусгаарлах байгууламж дутмаг байгаа тул гэр бүлээ ковидоор халдварлуулах эсвэл гадаа унтахын аль нэгийг сонгохоос өөр аргагүй болсон байна. 

• Цагаан ордон АНУ-ын шинэ Ковид стратегийг танилцууллаа, үүнд коронавирусийн шинжилгээг эмчилгээтэй хослуулах санаачилга багтжээ.

• Коронавирус нь сармагчины бэлэг эрхтний болон төмсөгний эсүүдэд халддаг болохыг судлаачид тогтоолоо.

Б.Бүжлхамаа

www.nytimes.com