Ерөнхийлөгч Байден мягмар гаригт ОХУ-ыг шийтгэх зорилготой шинэ хатуу хориг арга хэмжээнүүдээ зарлав. Хямралын улмаас Орост эдийн засгийн ноцтой үр дагавар авчрахаар Европын удирдагчид нэгдэж байна.  

Байден ОХУ-ын Ерөнхийлөгч Владимир Путиныг буруушааж, Оросын энэ үйлдлийг "Олон улсын хуулийг бүдүүлгээр зөрчсөн үйлдэл бөгөөд олон улсын хамтын нийгэмлэгээс хатуу хариу өгөхийг шаардаж байна" гэжээ.

Оросын хоёр санхүүгийн байгууллагыг хааж, Оросын өрийн эсрэг хориг арга хэмжээ авснаар барууны санхүүжилтээс таслав. Оросын элитүүд болон тэдний гэр бүлийнхэн ч бас шийтгэгдэх аж. АНУ-ын Сенат олон талт хууль тогтоомжийн хариу арга хэмжээ авахаар ажиллаж эхэлжээ.

Путин Украины салан тусгаарлагчдын хяналтад байгаа хоёр бүс нутагт цэргээ оруулах тухай зарлиг гаргаснаас хойш нэг хоногийн дараа Байден ийн мэдэгдлээ. ОХУ-ын парламент мягмар гаригт гадаадад цэргийн хүч хэрэглэхийг зөвшөөрсөн шийдвэр гаргажээ.

Холбоотнууд: Герман Оростой хамтран хэрэгжүүлж буй томоохон төсөл болох Норд урсгал 2 хийн хоолойг хаана гэв. Их Британи салан тусгаарлагчдын бүс нутаг болох Донецк, Лугансктай хийх бүх бизнесийг хориглоно гэж Ерөнхий сайд Борис Жонсон хэллээ. Мөн тэрээр тус арга хэсжээг "эхний хэсэг" хэмээн онцолсон юм. Харин Европын Холбооны хориг арга хэмжээнд хөрөнгө битүүмжлэх, зорчихыг хориглох зэрэг багтана.

Кремлийн мессеж: Орост олон хоногийн турш суртал ухуулга эрчимжиж, халдлага үйлдэх үндэслэлийг бий болгож байна.

Дэлхийн эдийн засаг: Өчигдөр нефтийн үнэ нэг баррель нь бараг 100 ам.доллар болтлоо өсч, томоохон банкууд нөлөөллийг нь хүлээж байна.

Б.Бүжлхамаа

www.nytimes.com