Хонконг долоон сая гаруй оршин суугчдаа коронавирусийн шинжилгээнд бүрэн хамрагдахыг шаардана гэж Хонконгийн гүйцэтгэх захирал Кэрри Лам мэдэгджээ. Мөн тус нутаг дэвсгэрт дэгдээд буй хамгийн аюултай дэгдэлтийг дарахын тулд тэмцэж байна гэсэн юм.
Гуравдугаар сараас эхлэн оршин суугчид богино хугацаанд гурван шинжилгээ өгөх ёстой. Хонконг ирэх сар гэхэд туршилтын хүчин чадлаа өдөрт 200 мянгаас Нэг сая хүртэл нэмэгдүүлэх аж.
Сурагчдын зуны амралт ковидын жилүүдийн адил эрт эхлэх бөгөөд ингэснээр тэдний сургуулийг шинжилгээ авах цэг, тусгаарлалтын байр, вакцинжуулалтын газар болгон ашиглах боломжтой.
Бээжингээс вирусыг дарах илүү хатуу арга хэмжээ авахыг шаардсаны дараа гарч буй шийдвэр юм. Энэ алхам нь Бээжингийн хязгаарлалтыг хэрэгжүүлэхэд ашигладаг боловсон хүчин, хөдөлгөөнийг хянах программгүй Хонконгийн хувьд сорилт болж байна.
Хонконгод дор хаяж 37,000 идэвхтэй ковид тохиолдол бүртгэгдсэн бөгөөд өдрийн дундаж нь өмнөх өсөлтөөс хол давсан байна. Мөн эмнэлгүүд дүүрч, шинэ тусгаарлах байгууламжууд баригдаж байна.
Одоогийн байдлаар тус бүс нутагт энэ онд 145 хүн нас барсан бол 2020, 2021 онд 213 хүн нас баржээ.
Б.Бүжлхамаа
www.nytimes.com
