Коронавирусийн омикрон хувилбар хурдан тархаж байгаа тул Өмнөд Солонгосын засгийн газар бараг зөвхөн хамгийн эмзэг бүлэгт анхаарлаа хандуулахын тулд арга барилаа өөрчилж байна гэж мэдэгдэв.

Хоёр жилийн турш ковид-19-ийн томоохон өсөлттэй тэмцэх, шинжлэх, илрүүлэх, эмчлэх гурван төрлийн стратеги ашиглан үр дүнтэй тэмцсэний дараа Өмнөд Солонгосын эрх баригчид "сонгож, анхаарлаа төвлөрүүл" гэсэн шинэ тоглоомын төлөвлөгөөг зарлалаа. Тус улс эерэг шинжилгээ өгсөн өвчтөнүүдийг гэртээ харж хандахыг хүсч байгаа бол нас барах эрсдэлтэй хүмүүст нөөцийг дахин чиглүүлэх аж.

Энэхүү өөрчлөлт нь омикроний өсөлтийг даван туулахад нэн шаардлагатай хэмээн засгийн газар үзэж байна. Өнгөрсөн он хүртэл Өмнөд Солонгост өдөрт 7849-өөс илүү тохиолдол бүртгэгдэж байгаагүй. Гэвч омикрон давамгайлахын хэрээр өдөр тутмын ачаалал пүрэв гарагт 93,135 болж өссөн байна.

Засгийн газар энэ сарын сүүлээр өдөрт 170,000 шинэ өвчтөн бүртгэгдэхээр байна гэв.

Шүүмжлэгчид засгийн газрын шинэ арга барил нь эмнэлгийн болон бусад нийгмийн үйлчилгээний хүртээмжгүй ядуу хүмүүс гэх мэт ядуу ангид сөрөг нөлөө үзүүлж байна гэж маргаж байна. Шинэ стратеги нь 60-аас дээш насны болон урьд өмнө нь өвдсөн өвчтэй хүмүүст анхаарлаа хандуулж, тэднийг гэрийн эмчилгээний иж бүрдлээр хангах, өдөрт хоёр удаа утасдаж нөхцөл байдлыг нь шалгах зэрэг багтах аж. 

Б.Бүжлхамаа

www.nytimes.com