Орос Украинтай хиллэдэг бүсээс цэргээ татаж байгаа гэж мэдэгдсэн боловч АНУ-ын албаныхан халдлага ойртож байгааг анхаарууллаа.
АНУ-ын Төрийн нарийн бичгийн дарга Антони Блинкен НҮБ-ын Аюулгүйн зөвлөлд хэлэхдээ, "Оросын арми, тэр дундаа хуурай замын цэрэг, нисэх онгоц, хөлөг онгоцууд ойрын өдрүүдэд Украин руу дайралт хийхээр бэлтгэж байна" гэжээ.
Мөн Батлан хамгаалахын сайд Ллойд Остин хэлэхдээ, "Орос улс Украины хил рүү цэргээ ойртуулж, байлдааны нисэх онгоцнуудаа нэмж, дайны талбарт хүний амь эрсдэхээс урьдчилан сэргийлж, цусны нөөцөө нөөцөлж байна" гэсэн юм.
Харин Ерөнхийлөгч Байден халдлагын эдийн засгийн аюул, хор хөнөөл "маш өндөр" хэвээр байгааг анхааруулсаар л байна.
Нөхцөл байдал: Пүрэв гаригт Украины зүүн нутгийн нэгэн хотод их буу буудаж, цэцэрлэг рүү халджээ. Үүний улмаас насанд хүрсэн гурван энгийн иргэн шархадсан байна. Украин ОХУ-ын дэмжлэгтэй салан тусгаарлагчдыг буруутгаж байгаа бол Кремль “Украины тал” анхны цохилтоо өгсөн гэж мэдэгджээ.
Дипломат байдал: АНУ-ын Төрийн департамент Орос улс Москва дахь Америкийн дипломатчийг хөөсөн болохыг илчилсэн. Мөн хямралын талаарх АНУ-ын саналд албан ёсны хариу өгөхдөө Кремль ямар нэгэн халдлага хийхээр төлөвлөөгүй ч хэрэв АНУ зүүн Европ дахь НАТО-гийн оролцоог багасгах зэрэг шаардлагыг хүлээн зөвшөөрөхгүй бол цэргийн ажиллагаатай "хариу өгөхөөс өөр аргагүй болно" гэж мэдэгдсэн.
Дүн шинжилгээ: Хүйтэн дайны дараах 30 жилийн энх тайван байдал өөрчлөгдөж Украины хямрал олон европчуудын сэтгэлийг хямрааж байна.
Б.Бүжлхамаа
www.nytimes.com
