Орос Украинтай хийсэн цэргийн сөргөлдөөнөөсөө буцаж байгаа мэт харагдасны дараа АНУ болон НАТО-гоос мэдэгдэл гаргажээ.

Тус мэдэгдэлд "Ерөнхийлөгч Владимир Путины гаргасан дипломат шийдвэр нээлттэй хэдий ч Украины хилээс цэргээ татаж байгааг нотлох баримт алга. Бид хайж байна" гэжээ.

АНУ-ын үзэж байгаачлан Украины хил дээр хэдийд ч дайралт хийж орж магадгүй Оросын 150,000 цэрэг байгаа аж.

ОХУ-ын ерөнхийлөгч В.Путин мягмар гаригт цэргээ эргүүлэн татах тушаал өгсөн бөгөөд Зүүн Европын аюулгүй байдлын асуудлаарх хэлэлцээрийг үргэлжлүүлэхэд бэлэн гэдгээ мэдэгдсэн. 

Гэхдээ "Манай улс зүүн Европ дахь НАТО-гийн оролцоог багасгах, Украин хэзээ ч нэгдэхгүй байх гэсэн үндсэн шаардлагаа үргэлжлүүлэн шаардах болно" гэсэн юм.

АНУ-ын Төрийн нарийн бичгийн дарга Антони Блинкен “Харамсалтай нь Оросын хэлж байгаа зүйл, хийж байгаа үйлдэл хоёрын хооронд ялгаа бий. Бид утга учиртай ухралт гэж харарахгүй байна. Харин ч эсрэгээрээ, бид Украины эсрэг түрэмгийллийн манан байгааг, ялангуяа хил дээр цэргүүд бөөнөөрөө байсаар байгааг харж байна" гэлээ.

НАТО-гийн Ерөнхий нарийн бичгийн дарга Йенс Столтенберг АНУ-ын үнэлгээг давтаж, "Орос ямар ч сануулгагүйгээр Украинд бүрэн эрхт халдлага хийх чадвартай хэвээр байгаа" гэж мэдэгдэв. 

ОХУ-ын Батлан ​​хамгаалах яам цэргээ нэмж татсан тухай зарлаж, хуягт тээврийн хэрэгсэл ачсан галт тэрэг Крымээс эх газрын Орос руу нэвтэрч буйг харуулсан видеог нийтэлжээ.

Польш дахь АНУ-ын пуужингийн бааз нь Украины эсрэг дайн хийх эсэх талаар Кремлийн тооцооллыг хийж буй гол цөм юм.

Б.Бүжлхамаа

www.nytimes.com