Барууны улс орнууд ОХУ-ын түрэмгийлэл ойртож болзошгүй байгааг анхааруулж, иргэдээ Украиныг орхин гарахыг уриалж байна.
АНУ, Их Британи, Герман зэрэг улсууд иргэдээ явахыг шаардаж эхэлжээ.
Москва Украины хилийн дагуу 100 мянга орчим цэрэг цуглуулсан ч гал нээж магадгүй гэх мэдээлийг үгүйсгэж байна.
АНУ-ын Ерөнхийлөгч Жо Байден ОХУ-ын удирдагч Владимир Путинтэй утсаар ярихдаа аливаа халдлага эхлүүлбээс гарах хямрал, үр дүнгийн талаар дахин сануулга өгчээ.
Украйны Ерөнхийлөгч Владимир Зеленский өөрийнх нь хувьд халдлагад өртөх тухай сэрэмжлүүлэг нь үймээн самуунд хүргэж болзошгүй гэж хэлсэн бөгөөд үүнийгээ "манай дайсан хамгийн сайн найз болно" гэжээ.
Цагаан ордон ямар ч үед халдлага гарч болзошгүй, эхлээд агаараас бөмбөгдөлт хийж магадгүй гэж анхаарууллаа. Харин Орос улс энэ мэдэгдлийг "өдөөн хатгасан таамаглал" гэж тодорхойлсон байна.
Украины нийслэл Киев дэх АНУ-ын Элчин сайдын яамнаас зарим ажилтнуудаа хурдан тус улсаас гарахыг тушаасан бөгөөд өнөөдрөөс эхлэн консулын үйлчилгээг түр зогсоосон байна. Харин онц байдал үүсвэл Львов хотод "цөөн тооны консул" үлдэх аж.
Канад улс мөн ЭСЯ-ны ажилтнуудаа Польштой хиллэдэг Львов руу шилжүүлж байна гэж Канадын хэвлэлүүд мэдээлжээ. Харин Украинд суугаа Их Британийн элчин сайд Мелинда Симмонс өөрийн твиттер хуудаснаа "үндсэн багийнхаа хамт Киевт саатаж байна" гэж жиргэжээ.
Орос улс ч мөн өөрчлөлт хийж, Украин дахь дипломат ажилтнуудынхаа орон тоог оновчтой болгоно гэж мэдэгдээд "Киевийн дэглэм болон гуравдагч орны өдөөн хатгалга байж болзошгүй" гэж мэдээлжээ.
Б.Бүжлхамаа
www.bbc.com
