ОХУ-ын 15 настай тамирчин Камила Валиева "Бээжин-2022" өвлийн олимпын наадмын уран гулгалтын төрөлд хосгүй амжилт гаргаж, дэлхийн хайрыг татаад байлаа. Түүний ур чадвараар тус улсын шигшээ багаа алтан медалийн болзол хангаад байсан юм. Гэвч Камила Валиевагаас зүрхний ажиллагааг дэмждэг триметазидин хэмээх эмийг хэрэглэсэн нь батлагдлаа.
Өнгөрсөн оны арванхоёрдугаар сард 15 настай тамирчны шинжилгээнээс сэргээшийн төрөлд ордог хориотой бодис илэрсэн юм байна. Гэвч тухайн үед Оросын Сэргээштэй тэмцэх агентлаг Валиеваг Бээжингийн өвлийн олимпын наадамд оролцох эрхийг түдгэлзүүлэлгүй хэвээр үлдээж байсан байна. Харин Олон Улсын Олимпын Хороо уг шийдвэрийг хууль бус гэж үзээд шүүхэд давж заалджээ. Улмаар арванхоёрдугаар сарын сүүлээр Валиевагаас авсан сорьцыг Шведийн нийслэл Стокхольм хот дахь Дэлхийн Сэргээштэй Тэмцэх Агентлаг /WADA/-ын итгэмжлэгдсэн лабораторид илгээж шалгуулжээ.
Энэхүү шалгалтын хариунаас улбаалж медаль гардуулах ёслолыг хойшлуулсан юм байна.
Дашрамд, Валиевагын хэрэглэсэн уг эмийг WADA тамирчны биеийн хүч чадалд нөлөөлдөг гэж үзээд хориотой эмийн жагсаалтад оруулсан байдаг.
Өвлийн олимпын эргэн тойронд...
- "Сармистай охид" гэгддэг Өмнөд Солонгосын кёрлингийн баг, дасгалжуулагч нар нь тамирчдад зүй бусаар харьцсан хэргээр шийтгүүлсний дараа Олимпод эргэн ирлээ.
-
Линдси Жакобеллис Бээжинд болсон сноубордын кроссын төрөлд АНУ-ын анхны алтан медалийг хүртлээ.
-
Германы Натали Гейзенбергер эмэгтэйчүүдийн ганцаарчилсан хэвтээ гулгаа буюу лууж /single luge/ төрөлд гурав дараалан алтан медаль хүртэж, дээд амжилт тогтоолоо.
-
Америкийн цаначин Микаэла Шиффрин хоёр дахь дараалсан уралдаандаа оролцох эрхээ хасуулсан бөгөөд энэ удаад түүний хамгийн шилдэг төрөл болох слалом төрөлд оролцлоо.
