АНУ-д инфляци өнгөрсөн нэгдүгээр сард сүүлийн 40 жилд байгаагүй дээд түвшиндээ хүрч, үнэ жилийн өмнөхөөс 7.5 хувиар өссөн гэж Хөдөлмөрийн статистикийн товчоо энэ пүрэв гаригт мэдээллээ.

Олон төрлийн барааны өртгийг хэмждэг хэрэглээний үнийн индексийн (ХҮИ) судалгааны өсөлт нь 1982 оны хоёрдугаар сараас хойшхи хамгийн өндөр үзүүлэлт байв. ХҮИ өнгөрсөн арванхоёрдугаар сараас 0.6 хувиар өссөн нь хүлээгдэж байснаас өндөр байсан ч инфляци өсөж 0.9 хувь болсон байна. Энэ нь өнгөрсөн аравдугаар сарынхаас сар бүр мэдэгдэхүйц өссөн хэвээр байна.  

Ковид-19-ийн дэлхийн худалдаанд үзүүлэх нөлөөллийн улмаас эрэлт нэмэгдэж, нийлүүлэлтийн хомсдол АНУ-д инфляцийг өсгөсөн гэж мэдээлэв.

Хоол, цахилгаан, орон сууцны үнийн өсөлтөд хамгийн их нөлөөлжээ. Хүнсний индекс 12-р сард 0.5 хувиар өссөний дараа 1-р сард 0.9 хувиар өссөн байна. Эрчим хүчний индекс мөн сарын хугацаанд 0.9 хувиар өсжээ.

Үнэ нь тогтворгүй байгаа хүнс, шатахууныг хассаны дараа инфляци жил бүр зургаан хувиар өссөн хэвээр байна. Улсын хэмжээнд хуучин автомашины хомсдол мөн өсөлтийг үргэлжлүүлсээр байгаа аж. Энэ нэгдүгээр сард хуучин автомашины үнэ өмнөх оныхоос 40.5 хувиар өссөн байна. Харин орон сууцны зардал жилийн өмнөхөөс 4.4 хувиар өссөн үзүүлэлттэй байна.

Холбооны нөөцийн сан зардлаа бууруулж, үнийг бууруулах зорилгоор гуравдугаар сард болох хуралдаанаараа бодлогын хүүгээ өсгөх бодолтой байгаагаа илэрхийлжээ. Хөрөнгө оруулагчдад зориулсан тэмдэглэлдээ Oxford Economics хамгийн сүүлийн үеийн ХҮИ мэдээ нь ирэх саруудад ханшийн өсөлтийг илтгэнэ гэж үзэж байна.

А.Долгор