Дани улс нэг хүнд ногдох ковид-19-ийн тохиолдлын тоогоор дэлхийд тэргүүлдэг бөгөөд эмнэлэгт хэвтсэн хүмүүсийн тоо түүхэн дээд хэмжээндээ хүрсэн байна. Гэхдээ Засгийн газар хаалттай орон зай, нийтийн тээвэрт маск зүүх зэрэг бүх хязгаарлалтыг цуцлав.

Хязгаарлалтуудыг цуцлах нь зохисгүй мэт санагдаж магадгүй ч тус улсын эрх баригчид нас баралт, эмнэлэгт хэвтэх нь ковидын тохиолдлоос хамаагүй бага, эрчимт эмчилгээнд байгаа өвчтөнүүдийн тоо сүүлийн хэдэн сарын хамгийн бага түвшинд байна гэж мэдэгджээ.

Харин иргэд нь "хэвийн" байдал руу буцаж ирснийг сайшаав. Өнгөрсөн долоо хоногт Данийн хоёр дахь том хот болох Орхус руу гатлага онгоцоор явсан Таймсын сурвалжлагч онгоцонд байсан хэдэн зуун зорчигчийн цөөхөн нь маск зүүсэн байсан гэж бичжээ.

Дани дахь хязгаарлалтын төгсгөл нь вакцинжуулалтын түвшин өндөр, шинжилгээний асар их хүчин чадал, эрүүл мэндийн мэдээллийн хүчирхэг дэд бүтэцтэй. Ийн баян орнууд "вирустай хамт амьдрах" ирээдүйг зарлаж магадгүй юм. 

Дани улсын нийт хүн амын 81 хувь нь вакцинд бүрэн хамрагдаж, 62 хувь нь нэмэлт вакцин хийлгэсэн байна.

Эрүүл мэндийн сайд Магнус Хьюнике "Бид хүмүүст аль болох хурдан нээлттэй болно гэж амласан. Гэхдээ хэрэв шинэ хувилбар гарч ирвэл, хэрэв бид вакцинууд тийм ч үр дүнтэй биш гэдгийг мэдвэл шаардлагатай арга хэмжээг авахаас буцахгүй. Энэ бол гэрээ" гэжээ. 

Б.Бүжлхамаа

www.nytimes.com