Францын Ерөнхийлөгч Эммануэль Макрон Москва хотод ОХУ-ын Ерөнхийлөгч Владимир Путинтэй уулзлаа. Энэ үеэр Макрон европ тив "хамгийн чухал замын уулзвар дээр байна" гэж мэдэгдлээ.

Тэгвэл мөн энэ үеэр Вашингтонд Ерөнхийлөгч Байден ХБНГУ-ын шинэ канцлер Олаф Шольцтой уулзаж, Украины хил дээр ОХУ-ын цэргийн хүчийг нэмэгдүүлэх талаар ярилцав.  

Даваа гаригт болсон уулзалтаар хурцадмал байдлыг намжаах үйл явцыг эхлүүлнэ гэдэгт найдаж байгаагаа Макрон хэллээ. Тэрээр "Энэ яриа хэлэлцээ нь Европ тивийн аюулгүй байдал, тогтвортой байдлыг хангахад урьд өмнө байгаагүй чухал ач холбогдолтой" гэв.

Путины хэвлэлийн төлөөлөгч хэлэхдээ, маш бодитой бөгөөд урт яриа хэлэлцээ болно гэж найдаж байсан ч томоохон ахиц дэвшил гарна гэсэн хүлээлтийг үгүйсгэсэн мэдээлэл хийв. 

Тэрээр "Мэдээжийн хэрэг, нөхцөл байдал дэндүү ээдрээтэй байна. Ганцхан уулзалтын үр дүнд ямар нэгэн ахиц дэвшил гарахад хэцүү" гэлээ. 

Маргааш Францын ерөнхийлөгч Украины Киев хотноо хэлэлцээ хийнэ.

Байдентай Вашингтонд хийсэн хамтарсан хэвлэлийн бага хурал дээр Германы канцлер Шольц Орос орон цэргээ нэмэгдүүлж байгаа нь "Европын аюулгүй байдалд ноцтой заналхийлэл" гэж учруулж байна хэмээн онцолж байсан.

Байдены зөвлөхүүд Герман улс Орост түрэмгийлсэн тохиолдолд эдийн засгийн хориг арга хэмжээ авах, эсвэл маргаантай хийн хоолой болох "Хойд урсгал 2" төслийг цуцлахаас татгалзаж байгаад санаа зовниж байгаагаа илэрхийлсэн.

“Хамгийн гол нь бид болзошгүй хориг арга хэмжээг хамтдаа бэлтгэх тал дээр эрчимтэй ажиллаж байна. Нэгэнт Украины эсрэг цэргийн түрэмгийлэл гарвал бид эхлэхийг хүсэхгүй байна" гэж Шольц хэлсэн юм.

Путин Зүүн Европ дахь НАТО-гийн оролцоог эргүүлэн татахыг шаардаж байгаа бөгөөд Украины хилийн ойролцоо 130,000 орчим цэрэг байршуулсан гэж АНУ, Украины албаны хүмүүс мэдэгдэв. Энэ нь бүрэн хэмжээний цэргийн довтолгоонд бэлтгэж байгаа бололтой гэж тэд үзэж байна.

Б.Бүжлхамаа

www.nytimes.com