Эмх замбараагүй байдал, буун дуу, эмэгтэй хүний уйлж буй чимээ. Бүслэгдсэн тосгоны иргэдийг жихадистуудаас аврах Оросын хөлсний дайчдын түүх дэлгэцнээ цацагдав.
Оросын цэргийн алба хаагчдын 2019 онд Мозамбик дахь бослогыг дарах тухай маргаантай даалгавар дээр үндэслэсэн Оросын "Гранат" кино нь Оросын Африк дахь түүхийг дахин өгүүлэх хамгийн сүүлийн үеийн блокбастер боллоо.
НҮБ-ын мөрдөн байцаагчид Вагнер групп шиг Оросын хувийн цэргийн ажилтнуудыг Африкт дайны гэмт хэрэг үйлдэхэд буруутгаж байгаа бол "Гранат" зэрэг кинонууд Оросын баатарлаг дүрийг харуулж байна.
"Хахаха" гэж Мозамбикийн нэгэн сэтгүүлч киноны талаар тайлбар хийж эхэлжээ. Сэтгүүлч Марсело Моссе орон нутгийн мэдээллийн Carta de Moçambique сайтад бичихдээ уг киног “хөлсний алуурчдыг сурталчилсан нэгэн төрлийн баримтат жүжиг” гэж нэрлэжээ. Моссе болон бусад хүмүүсийн хувьд энэ кино Африк дахь Оросын гүйцэтгэх үүргийн талаарх таагүй асуултуудыг төрүүлдэг.
Африкийн орнуудын хувьд хуучин колончлолд байсан гүрнүүдээсээ татгалзаж, Орос руу чиглэх нь улам бүр нэмэгдсээр байна. Мали, Буркина-Фасо улсад саяхан болсон төрийн эргэлтийн дараа хоёр улсын гудамжны жагсагчид Оросын далбааг намируулжээ.
Энэхүү кино Оросын кино бүтээгчид Африк дахь хөлсний цэргүүдээс урам зориг авахыг хүссэн анхны тохиолдол биш юм. Өнгөрсөн жил “Жуулчин” кинонд Төв Африкийн Бүгд Найрамдах Улс дахь Оросын хөлсний дайчдын баатарлаг үйлсийг яг л цус, урсгасан, хуучирсан үг хэллэгээр харуулсан. Киноны продюсер компани нь Ерөнхийлөгч Владимир Путины ойр дотны олигархи Евгений Пригожинтэй холбоотой гэж Оросын хэвлэлүүд мэдээлж байна.
Б.Бүжлхамаа
www.nytimes.com
