Афганистан улсын эмнэлэг, эрүүл мэндийн байгууллагууд бэлэн мөнгөний хомсдол, хоол тэжээлийн дутагдал, өвчний асар их өсөлттэй тэмцэж байна. Нэг тооцоогоор Афганистаны эрүүл мэндийн эмнэлгүүдийн 90 хувь нь удахгүй хаагдах магадлалтай байна.

Наймдугаар сард засгийн газар унахаас өмнө эрүүл мэндийн систем олон улсын тусламжид найдаж байсан билээ. Тэгвэл Талибууд хяналтаа авсны дараа энэ тусламж тэр чигтээ сүйрсэн юм. Өнгөрсөн сарын сүүлээр НҮБ-ын Ерөнхий нарийн бичгийн дарга Антонио Гутерриш улс орнууд хүмүүнлэгийн тусламж хүргэхийг хязгаарласан бүх хориг арга хэмжээгээ зогсоохыг уриалсан юм.

Тус улсын хамгийн том эмнэлэг Аравдугаар сард цалингүй ажилтнууд гал түлэхэд зориулж мод огтлох шаардлагатай болсон үед бараг хаагдах дөхсөн. Энэ жил 4,7 сая афган хүн хоол тэжээлийн дутагдалд орох магадлалтай гэж НҮБ таамаглаж байна.

Хүүхдүүд ялангуяа маш эмзэг байна. 

"Би хүмүүстэй Ковид-19-ийн талаар ярихыг оролдоход тэд бидэнд хоол хүнс, ус, цахилгаангүй гэж хэлдэг. Яагаад бид энэ вирусын талаар санаа зовох ёстой гэж? хэлдэг" хэмээн Кабул дахь цорын ганц үлдсэн Ковидын эсрэг байгууламжийн эмнэлгийн захирал хэлэв.

Европд боловсролтой афганчууд шинээр дүрвэж ирж болох боловч тэд тухайн орчинд тухтай амьдрахын тулд олон саад бэрхшээл ялангуяа ядууралыг давах хэрэгтэй болж байна. 

Б.Бүжлхамаа

www.nytimes.com