2022 оны Өвлийн Олимпийн наадам Хятад улсын нийслэл Бээжин хотод Хоёрдугаар сарын 4-ний өдөр нээлтээ хийж, албан ёсоор эхэллээ.

БНХАУ-ын дарга Ши Жиньпин баасан гаригт Бээжингийн үндэсний цэнгэлдэх хүрээлэнд болсон ёслолын ажиллагаанд олон улсын нэр хүндтэй төлөөлөгчдийн хамт оролцов. Гэхдээ ардчилсан томоохон гүрнүүдийн удирдагчид оролцоогүй байна. Учир нь Бээжингийн хүний​эрхийн талаарх мэдээллийг иш татан АНУ тэргүүтэй эдгээр наадмыг зохион байгуулах дипломат бойкотод нэгдэх хүмүүсийн тоонд Их Британи, Австрали, Канад багтсан байсан юм.

Тус наадам коронавирусийн тахлын үед зохион байгуулагдаж буй хоёр дахь олимп юм. Өнгөрсөн жил Токиод болсон Зуны Олимпын наадмын нэгэн адил Ковид-19-ийн эсрэг арга хэмжээ авч, наадмыг эрх баригчдын хэлснээр "хаалттай систем" буюу хотын бусад хэсгээс бүрмөсөн таслагдсан “бөмбөлөг хөөсөн” дотор зохион байгуулж байна. Наадмын тасалбарыг олон нийтэд зарахгүй, оронд нь эрх баригчид тараасан юм.

Бээжин бол зуны болон өвлийн олимпийг хоёуланг нь зохион байгуулсан түүхэн дэх анхны хот боллоо.

Канадын эмэгтэй хоккейн баг Хоёрдугаар сарын 5-нд Финландын эсрэг хийх урьдчилсан тоглолтын өмнө цугларлаа. 

Норвегийн цаначин Александр Аамодт Кильде өнөөдөр уруудах бэлтгэлд оролцов.

Америкийн чөлөөт цанын тамирчин Александр Холл мөн өнөөдөр агаарын бэлтгэлийн үеэр нэгэн мэх хийжээ. 

Хамгаалалтын хувцас өмссөн ажилчин Хоёдугаар сарын 5-нд Олимпийн бөмбөлөг дотор Ковид-19 шинжилгээ хийлгэсний дараа гараа цэвэрлэж байна.

Хоёрдугаар сарын 4-ний баасан гаригт нээлтийн ёслолын үеэр Хятадын тамирчин Динигэр Иламүжянь, Жао Жиавэн нар олимпийн бамбарыг аварга том цасан ширхэгт байрлуулан даллав. Динигэр, Жао хоёрыг сонгосон нь бэлгэдлийн чанартай бөгөөд санаатай байсан юм. Динигээр бол Хятадын баруун хязгаар Шинжаан дахь үндэстний цөөнх болох Уйгур үндэстэн бөгөөд Хятад улс хүний ​​эрхийг их хэмжээгээр зөрчсөн гэж буруутгагддаг. Жао бол Хятадын зонхилох үндэстэн болох Хан үндэстэн юм.

Баасан гаригийн нээлтийн ёслолын үеэр жүжигчид LED гэрлээр цэцгийн дэлгэц бүтээжээ. 

Нээлтийн үеэр оролцсон хүүхдүүд...

АНУ-ын багийн гишүүд улс орнуудын жагсаалын үеэр зургаа татуулж байна.

Нээлтийн үеэр Бээжингийн үндэсний цэнгэлдэх хүрээлэнгийн дээгүүр салют бууджээ.

Нээлтийн ёслолд оролцохоор цэнгэлдэх хүрээлэн рүү явж байгаа автобусанд суугаа тамирчид гудамжинд байгаа оршин суугчид руу даллаж байна. 

Зарим тэмцээн нээлтийн ёслолын өмнөх өдрүүдэд эхэлсэн. Энд Америкийн Натан Чен Хоёрдугаар сарын 4-нд багийн уран гулгалтын төрөлд өрсөлдөж байна. Тэрээр богино үзүүлбэрээрээ АНУ-ыг тэргүүлжээ.

Канадын төвийн тоглогч Ребекка Жонстон Хоёрдугаар сарын 3-ны пүрэв гаригт хоккейн урьдчилсан тоглолтын үеэр Швейцарийн хаалганд гоол орууллаа. ​​Канадчууд 12:1-ээр хожлоо. 

Наадмыг Ковид-гүй байлгах, мөн вирусыг хүн амд тархахаас урьдчилан сэргийлэх зорилгоор Хятадын эрх баригчид "хаалттай систем" байгуулжээ. Энэ нь наадмыг зохион байгуулагч хотоос тусгаарладаг. Хэвлэл мэдээллийн төвд роботууд цайны газарт хоолоор үйлчилж байгаа бол өөр нэг робот коктейлоор үйлчилж байна.

Б.Бүжлхамаа