Герман, Орос хоёр олон асуудлааар санал нийлэхгүй байгаа ч Берлин Москватай тогтвортой харилцаа хүснэ гэж Нэгдүгээр сарын 18-нд ХБНГУ-ын Гадаад хэргийн сайд Анналена Бербок Оросын сайд Сергей Бобровтой уулзахдаа мэдэгдлээ.
Тэрээр "Бид олон тооны асуудлыг хөндөн ярилцлаа. Бидний санаа бодолд суурь зөрөлдөөн их байна. Гэсэн ч бид Герман Орос хоёрын хамтын ажиллагааг өргөжүүлэх боломжийг харж байна. Бид ОХУ-тай тогтвортой хрилцаатай байх сонирхолтой” гэв.
Мөн тэрээр, ХБНГУ аюулгүй байдлын асуудлаар ноцтой яриа хэлэлцээр явуулахад бэлэн гэнэ. Үүний зэрэгцээ Оросын цэргийг Украины хилийн орчим байрлуулж байгааг аюул гэж Герман үзэж байна гэдгийг хэллээ. Талууд эрчим хүчний сэдвийг мөн хөндөж ярилцжээ. Ойрын үед Европт байгалийн хий хэрэгтэй болно, үүнд “найдвартай” Орос бидэнд хэрэгтэй гэж сайд онцлов. Гэхдээ хийг улс төрийн шахалтын зэвсэг болгон ашиглахыг бид зөвшөөрөхгүй. Энэ тохиолдолд “Умартын урсгал-2” хийн хоолойд ноцтой асуудал тулгарах болно гэж сайд сүрдүүлэв.
Уулзалтын эхэнд Оросын сайд мэдэгдэхдээ, Москва Берлинтэй илүү бүтээлч харилцааг хүсч байна гээд Оросын хуримталсан асуудлуудыг харилцан хүндэтгэлтэй, тэгш эрхтэйгээр, бие биенийхээ сонирхолыг тооцон үзэх зарчмаар шийдэх эрмэлзэлтэй байна гэв.
Бербок сануулахдаа, Немецийн шинэ засгийн газрын эвслийн гэрээнд эрчим хүчний дэд бүтцийн төслүүдийн хувьд европын хууль дүрэм үйлчилнэ гэсэн байгаа. Тиймээс бид хийн хоолойг сертификацлах болсон юм. Одоохондоо тэр ажиллагааг зогсоогоод байгаа гэлээ.
Лавров “Умартын урсгал-2” хийн хоолой нь сүүлийн арван жилийн томд тооцогдох цэвэр арилжааны төсөл бөгөөд тэр Герман ба Европын эрчим хүчний аюулгүй байдлыг хангахад чиглэгдсэн гэдэгт анхаарлаа хандуулахыг хүссэн байна.
М.ЦОГТ
