Энэтхэгийн Сонгуулийн хорооноос сонгуулийн санал хураалт явуулж буй таван мужид Нэгдүгээр сарын 15-ныг хүртэл сонгуулийн цуглаан, замын шоу, булангийн уулзалт хийхийг хориглов. Ковидын тохиолдол нэмэгдэж байгаа энэ үед дээрх шийдвэрийг гаргасан нь зөв гэж үзжээ. Санал хураалт энэ бямба гаригт явагдах юм.

Сонгуулийн ерөнхий комиссар Сушил Чандра хэлэхдээ, Нэгдүгээр сарын 15-нд ковидын нөхцөл байдлыг дахин хянаж үзээд олон нийтийн жагсаал цуглаан хийхийг зөвшөөрөх талаар дахин шийдвэр гаргах болно гэлээ.

Мөн тэрээр "Хэрэв ковид протоколыг дагаж мөрдөхгүй бол комисс намуудыг цаашид жагсаал цуглаан хийхийг хориглохоос буцахгүй" гэж онцлон мэдэгдлээ.

Комисс мөн ковидын хатуу удирдамжийг гаргаж, хаалганаас хаалганд кампанит ажил явуулахыг зөвшөөрсөн хүмүүсийн тоог тав хүртэл хязгаарлажээ.

Хэрвээ зөвшөөрвөл жагсаалд оролцож буй хүмүүст амны хаалт, гар ариутгагч бодис өгөхийг улс төрийн намуудаас хүссэн гэж Чандра хэлэв.

Комисс мөн ялалтын баяр тэмдэглэхийг хориглосон бөгөөд ялалтын гэрчилгээг авахын тулд зөвхөн хоёр хүн нэр дэвшигчийг дагалдан явахыг зөвшөөрөх ажээ.

Дэлхийн бусад хэсэгт ковидтой холбоотой:

• Хятадын албаныхан Бээжингийн ойролцоох 14 сая хүн амтай Тяньжин хотын 20 оршин суугчдаас халдвар илрүүлсний дараа нийт хүн амд шинжилгээ хийнэ.

• Өнгөрсөн долоо хоногт дэлхийн өдөр тутмын шинэ халдварын хурд бараг хоёр дахин нэмэгдэж, өдөрт хоёр сая гаруй тохиолдол бүртгэгдсэн байна.

• АНУ-ын дор хаяж зургаан уран гулгагчийн шинжилгээ эерэг гарсан нь Бээжинд болох өвлийн олимпийн талаар санаа зовниж байна.

Б.Бүжлхамаа

www.nytimes.com