Өнгөрсөн лхагва гаригт Байдены засаг захиргаа тахал өвчин, ган гачиг, гадаадын тусламжийн алдагдал болон царцаасан валютын нөөц зэрэг Афганистаны эдийн засгийг сүйрлийн ирмэгт тулгаж буй хориг арга хэмжээний дарамтыг бууруулахаар зарим арга хэмжээ авчээ.

АНУ Талибанчуудыг олон улсын санхүүгийн системээс таслахын тулд хориг арга хэмжээ авсан байсан юм. Үүнийг дагаад бэлэн мөнгөний хомсдол үүсч, банк, бизнес эрхлэгчдийг хямралд оруулж, үнэ өсөхөд хүргэжээ.

Төрийн бус байгууллагууд, олон улсын тусламжийн бүлгүүд болон АНУ-ын Засгийн газар Талибаны эсрэг эдийн засгийн дарамт шахалт үзүүлэхийн зэрэгцээ Афганистаны ард түмэнд тусламж үзүүлэхэд хялбар болгох үүднээс АНУ-ын Сангийн яам шинэ "ерөнхий лиценз" олгох аж. 

Энэ сараас Афганистан дахь хүмүүст хувийн мөнгөн гуйвуулга илгээх зөвшөөрөл олгожээ.

Санхүүгийн гүйлгээ нь хүний ​​үндсэн хэрэгцээ, иргэний нийгмийн хөгжил, байгаль орчин, байгалийн нөөцийг хамгаалахад л чиглэсэн бол Талибууд болон Хаккани сүлжээний гишүүдийг оролцуулж болно гэж мөн заасан байна.

Мөн лхагва гаригт НҮБ-ын Аюулгүйн зөвлөл санал нэгтэй баталж, төлбөр төлөх, бараа, үйлчилгээ хүргэх зэрэг хүмүүнлэгийн үйл ажиллагааг НҮБ-ын хоригоос нэг жилийн хугацаатай чөлөөлжээ.

Б.Бүжлхамаа

www.nytimes.com