Лондонгийн Пиккадиллигийн хотын хөл хөдөлгөөн их, сүржин газраас 73 фут зайд, урт хонгил, тас харанхуй өрөөнүүдээс бүрдсэн чимээгүйхэн нэгэн бункер оршдог. Одоо энэ газар бараг харагддаггүй, хүн ч барагтай очдоггүй. Гэсэн хэдий ч тус газар 20-р зууны түүхэнд чухал үүрэг гүйцэтгэжээ.
Хаягдсан Даун Стрит метроны буудлын хаалганы цаанаас гөлтийх энэхүү нуугдах газар руу бамбар бариад буух боломжтой болжээ.
Германы бөмбөгдөлт ид оргилдоо хүрсэн үе буюу 1940 оны арваннэг, арванхоёрдугаар сард Их Британийн Ерөнхий сайд Уинстон Черчиллийн 40 гаруй ажилтантай баг энд өдөр шөнөгүй дайны эсрэг тактик боловсруулж, нууцаар хоргодож байжээ.
Дайны туршид Британийн засгийн газрын удирдлагын төв байсан Черчиллийн дайны өрөөнүүд нь эзэн хааны дайны музейн нэг хэсэг болгон олон нийтэд нээлттэй байдаг ч Доун гудамжаар аялах боломж тэр бүр байдаггүй байсан юм.
Тэгвэл энэ сарын 3-наас эхлэн энэ түүхэн газраар аялал хийх боломжтой болжээ.
