Коронавирусийн шинэ Омикрон хувилбар нь дэлхий дахинд халдварлах өндөр эрсдэлтэй байна. Мөн энэ хувилбар нь зарим бүс нутагт ноцтой үр дагавар учруулж болзошгүй гэж ДЭМБ-аас мэдэгджээ.
Мөн "Ковид-19" биднээс салах болоогүй байгаа тул ядуу буурай орнуудад вакцин хийлгэхийг уриаллаа.
ДЭМБ-ын мэдэгдэлд "Омикрон шинэ хувилбар нь урьд өмнө байгаагүй олон тооны мутацитай бөгөөд тэдгээрийн зарим нь тахлын замд нөлөөлж болзошгүй" гэсэн юм.
Гэхдээ улс орнуудыг шуурхай арга хэмжээ авах шийдвэртээ шинжлэх ухаанчаар хандахыг мөн цохон мэдэгдсэн байна.
Омикрон хувилбар анх илэрсэн Өмнөд Африкийн хэд хэдэн орнуудыг зарим улс орон хилээр нэвтрүүлэхгүй байх хязгаарлалт тогтоогоод байгаа. Япон улс мягмар гаригийн шөнө дундаас буюу энэ сарын 30-наас гадаадын жуулчдад хилээ хааж байгаагаа зарласан мэдэгдэсэн. Харин Австрали улс хилийн хязгаарлалтыг хөнгөвчлөх төлөвлөгөөгөө түр зогсоогоод байна. Тодруулбал, Австрали улс олон улсын оюутнууд болон визтэй "мэргэжлийн ажилчдын" нэвтрэх аялал лхагва гаригт дахин эхлэх байсан ч Арванхоёрдугаар сарын 15-н хүртэл дахин хойшлогдлоо.
Мөн Израиль улс гадаадын иргэдийг 14 хоногийн турш өөрийн улсад нэвтрүүлэхийг хориглоод байна.
