2021 оны гуравдугаар улиралд Японд амьдрал хоёр том уналтаас болж тасалдав. Нэг нь томоохон үйлдвэрлэгчдэд цохилт өгсөн нийлүүлэлтийн хямрал бол нөгөөх нь тахлын хамгийн муу коронавирусийн дэгдэлт байв.

Өнгөрсөн Долдугаар сараас Есдүгээр сар хүртэл Японы эдийн засаг жил бүр 3 хувиар буурсан нь вирусын улмаас үүссэн намгаас ангижрахын төлөө тэмцэж байгааг харуулж байна. 

Япон улс тахлын өмнөх амьдралд удаашралтай буцаж байгаа нь ижил төвшний улс орнуудаасаа зарим талаараа хоцорч байгаа юм. Гэхдээ асуудал удаан үргэлжлэхгүй байж магадгүй юм.

Япон одоо вакцинжуулалтын хамгийн өндөр хувьтай улсуудын нэг болсон бөгөөд эдийн засагтаа тавьсан бүх хязгаарлалтыг цуцалсан байгаа. Наймдугаар сарын оргил үеээсээ хойш ковидын тохиолдол 99 орчим хувиар буурсан байна. Явган хүний ​​замын хөдөлгөөн тахал өвчний өмнөх төвшиндөө бараг эргэж иржээ. 

Түүнчлэн Зүүн өмнөд Азид тахлын тархалт буурч эхэлснээр хагас дамжуулагч болон автомашины үйлдвэрүүд харьцангуй хурдан сэргэх төлөвтэй байна.

Мөн ойрын өдрүүдэд Японы засгийн газар хүүхэдтэй гэр бүлүүдэд бэлэн мөнгө тарааж, жижиг бизнес эрхлэгчдэд тусламж үзүүлж, шатахууны үнийн өсөлтийг нөхөх арга хэмжээ авч, урамшууллын багц батлах төлөвтэй байна.

Дотоодын хязгаарлалтаа бараг л бүрэн сулруулсан гэж хэлж болох тул ихэнх хүчин зүйлүүд өсөдгөөрөө өсөөд явна. Гагцхүү тус улс жуулчдад хаалттай хэвээр байгаа тул олон бизнес эрхлэгчид, оюутнуудад тус улсад нэвтрэхэд хэцүү хэвээр байна.

А.Долгор