Энэтхэгийн засгийн газар жил гаруй хугацаанд хаалттай байсан хилээ нээж, вакцинжсан жуулчдыг хүлээн авах боломжтой боллоо хэмээн мэдэгдлээ.

2020 онд Энэтхэг улсад өмнөх онтой харьцуулахад 75 хувь бага жуулчид зочилсон аж. Энэхүү аялал жуулчлалын эргэн ирэлт нь тус улсад эдийн засгийн хувьд томоохон түлхэц болох нь дамжиггүй. Гэсэн хэдий ч Энэтхэгийн шинэ дүрэм нь зөвхөн харилцан зорчих 99 орноос аялахыг зөвшөөрдөг.

Шинэ дүрэм нь тус улсын вакцинжуулалтын кампанит ажилд итгэлтэй байгаагийн шинж юм. Саяхан Энэтхэг улс тэрбум дахь вакцинаа хийж, хамрагдах боломжтой хүн амын 30 гаруй хувь нь вакцинд бүрэн хамрагдасан талаар мэдээлсэн билээ. Өдөр бүр дунджаар 20,000 орчим шинэ тохиолдол бүртгэгдэж байгаа нь тавдугаар сарын оргил 400 мянгаас хэд дахин бага байна.

Энэтхэг гадаадын жуулчдын зорчих хязгаарлалтыг цуцалж буй Азийн олон оронд ийнхүү нэгдэв. Камбож мөн өчигдөр хилээр орж ирж буй вакцинд хамрагдсан аялагчдыг чөлөөтэй нэвтрүүлнэ хэмээн зарлав. 

Мөн Өмнөд Солонгос, Сингапур улсууд энэ долоо хоногт бүрэн вакцин хийлгэсэн зочдод хорио цээрийн дэглэмд хамрагдахгүйгээр аль ч улс руу аялах боломжийг олгодог аялалын зохицуулалтыг эхлүүлээд байна.

Дэлхийн бусад хэсэгт ковидтой холбоотой: 

• Европын орнууд Ковид-19 тохиолдол, нас баралтын дөрөв дэх давалгааг үүсгэж буй вакцинд хамрагдаагүй хүмүүсийн эсрэг зорилтот хязгаарлалтыг улам бүр нэмэгдүүлж байна.

• Тэжээвэр амьтдад зориулсан Ковид вакцин яагаад байхгүй байна вэ?  Мэргэжилтнүүд үүнийг хийх боломжтой боловч шаардлагагүй гэж үздэг.

• Шинэ Зеландад Ка Мате Хака гэгддэг ёслолын бүжгийн хууль ёсны эрхийг эзэмшдэг Маори овог Нгати Тоа вакцины эсрэг эсэргүүцэгчдийг тус бүжгийг эсэргүүцлийн үеэрээ бүжиглэхгүй байхыг уриалав.

Б.Бүжлхамаа

www.nytimes.com