Шинэ Зеландын далайн эрэг дээрээс Антарктидын оцон шувуу олджээ.
Нутгийн оршин суугчид түүнийг энхрийлэн Пингу гэж нэрлэх болсон бөгөөд Адели оцон шувууг далайн эргээс төөрсөн байдалтай олжээ.
Оцон шувууг олсон нутгийн оршин суугч Харри Сингх эхэндээ түүнийг "зөөлөн тоглоом" гэж бодсон гэжээ.
Энэ нь Шинэ Зеландын эргээс Адели оцон шувуу олдсон гурав дахь тохиолдол юм.
Нутгийн оршин суугч Харри Сингх эхнэрийнхээ хамт Кристчерч хотын өмнөд хэсэгт орших Birdlings Flat гэдэг суурингийн далайн эрэг дээр ажиллаж дуусаад, дараа нь гадуур зугаалж явахдаа оцон шувуутай анх таарчээ.
"Эхлээд би үүнийг зөөлөн тоглоом гэж бодсон чинь гэнэт оцон шувуу толгойгоо хөдөлгөж, жинхэнэ гэдгийг ойлгосон" гэжээ.
Ноён Сингхийн фэйсбүүк хуудсанд нийтлэгдсэн оцон шувууны бичлэгт оцон шувуу төөрсөн, ганцаараа байгаа мэт харагддаг байна.
Оцон шувуу усанд орохгүй байгаа тул далайн эрэг дээр тэнүүчилж буй бусад махчин амьтдын бай болж магадгүй гэж санаа зовсны улмаас аврагчид руу залгажээ.
Улмаар Шинэ Зеландын шувуу судлаач Томас Стрек "Оцон шувуу нь зөвхөн Антарктидийн хойгт амьдардаг. Харин энэ Аделийн оцон шувуу болохыг олж мэдээд маш их цочирдсон" гэлээ. Судлаач Стрек малын эмчийн хамт тэр оройдоо оцон шувууг халамжилж хоносон байна.
Б.Бүжлхамаа
www.bbc.com
