Мьянмарын цэргийн шүүх АНУ-ын сэтгүүлч Дэнни Фенстерт 11 жилийн хорих ял оноолоо.
Сэтгүүлч Дэнни Фенстерийг цагаачлалын хуулийг зөрчсөн, хууль бусаар эвлэлдэн нэгдэж, цэргийн эсрэг үзэл санааг өөгшүүлсэн хэрэгт буруутай гэж үзжээ.
Түүнийг үймээн самуун, терроризмын гэсэн хоёр нэмэлт хэрэгт буруутгаж, бүх насаар нь хорих ял оноохоор төлөвлөжээ.
Түүний энэхүү шинэ зүйл ангиар хэлэлцэх шүүх хурал Арваннэгдүгээр сарын 16-нд эхэлнэ.
Frontier Myanmar онлайн сайтын ерөнхий редактороор ажиллаж байсан 37 настай Фенстер Тавдугаар сард Янгон хотын олон улсын нисэх онгоцны буудалд саатуулагджээ. Тэрээр хоёрдугаар сард болсон цэргийн эргэлтийн дараа баривчлагдсан орон нутгийн олон арван сэтгүүлчийн нэг юм.
Frontier-ийн мэдээлснээр, Фенстер өмнө нь төрийн эргэлт гарснаас хойш цэргийнхнийг шүүмжилдэг бие даасан мэдээллийн Myanmar Now сайтад ажиллаж байжээ.
"Түүнийг хориотой хэвлэл мэдээллийн Myanmar Now-д ажиллаж байсан гэх үндэслэлээр буруутгаж байгаа юм. Дэнни 2020 оны Долдугаар сард Myanmar Now-аас огцорч, дараа сард нь Frontier-д элссэн тул 2021 оны Тавдугаар сард баривчлагдах үедээ тэрээр ажиллаж байсан. Frontier-тэй есөн сар гаруй ажилласан" гэж мэдээллийн сайтад бичжээ.
Дэнниг эдгээр хэрэгт буруутгах ямар ч үндэслэл байхгүй гэсэн юм.
Баасан гаригт түүнд ял оноосон нь Японы чөлөөт сэтгүүлч Мьянмарт баривчлагдаж, худал мэдээ тараасан хэргээр баривчлагдснаас хэдэн сарын дараа болж байгаа юм.
Японы томоохон мэдээллийн агентлагуудад сурвалжлага хийж байсан Юки Китазүми Мьянмарт цөөхөн гадаадын сэтгүүлчдийн нэг байв. Мьянмарын эрх баригчид түүнийг хууль зөрчсөн гэж мэдэгдсэн ч Япон хүсэлт гаргасан тул сулласан байна.
Б.Бүжлхамаа
www.bbc.com