Ажилтан руугаа ажлын бус цагаар залгах, зурвас илгээхийг Португал улсад хуулиар хориглолоо.
Тодруулбал, тус улсад ажил олгогчид ажлын бус цагаар ажилчид руугаа утсаар залгах, мессеж бичих, мэйл илгээхийг хуулиар хориглосон байна.
Эрх баригчид ажилтнуудын хувийн орон зайг хүндэтгэх ёстой гэдгийг харгалзан, гэр бүлтэйгээ цагийг өнгөрөөж амрах орон зайг олгох хэрэгтэй гэж үзжээ.
Үүнтэй төстэй хууль 2017 онд Францын хөдөлмөр эрхлэгчдийн хуулинд багтсан байдаг. Энд зааснаар ажилчид ажлын бус цагаар цахим зурвас хүлээж авахгүй байх эрхтэй гэж заажээ.
Португалд батлагдсан хууль нь цар тахлын үед хөдөлмөр эрхлэгчид гэрээсээ ажиллаж байгаа орчин нөхцлийг сайжруулах бодлогын хүрээнд санаачлагдсан байна.
Шинэ бодлогоор ажил олгогчид зайнаас ажиллаж байгаа ажилчдадаа шаардлагатай тоног төхөөрөмжөөр хангах ёстой. Мөн гэрээсээ ажиллаж байгаа нөхцөлд хий, цахилгаан зарцуулж байгааг тооцож нэмэлт зардлыг нь нөхөн олгохыг мөн тусгажээ.
Уг хууль өнгөрсөн баасан гаригт батлагдсан бөгөөд маргааш өдрөөс нь шууд хэрэгжиж эхэлсэн байна.
Эх сурвалж: CNN
