Польш, Беларусь улсын хилийн маргаан хурцдаж, аль аль улсын зүгээс хүндхэн байдалд орсон тул олон мянган цагаачид хүйтэн жавартай өдрүүдийг төмөр хашаанд гацсан байдалтай өнгөрүүлж байна.
Барууны гишүүн орнуудын удирдагчид Беларусийн дарангуйлагч удирдагч Александр Лукашенког Ойрхи Дорнодоос ирсэн цагаачдад виз олгож, ЕХ-ны хил хүртэл дагуулан явуулж хямралыг зохион байгуулсан гэж буруутгаж байна.
Лукашенко хэрвээ барууны орнууд хориг арга хэмжээгээ нэмэгдүүлбэл Оросоос Баруун Европ руу байгалийн хий дамжуулах томоохон хоолойн урсгалыг Беларусаар дамжуулан хааж магадгүй гэж мэдэгджээ.
Албаны хүмүүсийн мэдээлснээр цагаачдын олонх нь ядарч, даарсны улмаас найман хүн нас барсан гэлээ. Гэвч бодит тоо илүү байж магадгүй гэв.
Польшийн хэвлэл мэдээллийн хэрэгслүүд Беларусийн хил дээр 14 настай хүү хөлдөж нас барсан тухай мөн мэдээлэв.
Нэгэн цагаач хэлэхдээ "Бид Беларусь, Польшийн цагдаа нарын гарт торонд байгаа тахиа шиг болсон. Тэдний нэг нь биднийг Минск руу буцаан явуулахгүй, нөгөө нь оруулахгүй гэсэн" гэжээ.
Польш улсын цагаачдын хямралын талаарх хатуу байр суурь нь баруун жигүүрийн үндсэрхэг үзэлтэй талд нь ихэд таалагдан пүрэв гаригт Варшавын төвөөр тусгаар тогтнолын баярын жагсаал зохион байгуулсан юм.
Б.Бүжлхамаа
www.nytimes.com
