Бээжингийн нэгэн залуу эмэгтэй Коммунист намын сурах бичгийн дайны баатар Дун Кунруйгаар иш татан хортой эр чанарын (toxic masculinity) тухай цахим ертөнцөд нийтэлжээ.
Энэ явдлын дараа түүнд Хятадын амь үрэгдэгсэд, баатруудыг гүтгэсэн зүйл ангиар эрүүгийн хуулийн шинэчилсэн найруулгын дагуу долоон сарын хорих ял оноожээ.
Хятад улсад тус хуулийн шинэчилсэн найруулга гуравдугаар сард мөрдөгдөж эхэлсэн бөгөөд хичээнгүйлэн хэрэгжүүлж байна. Намын түүхийг үл тоомсорлодог хүмүүсийг шийтгэхийн тулд одоогоор энэ зүйл ангийг дор хаяж 15 удаа ашиглаад байгаа аж.
Хятадад тэрс үзэлтнүүдийг удаан хугацаанд цагдаж байсан ч энэхүү шинэ хууль өмнөх хязгаарлалтаас давсан байна. Мөн тус хуульд Мао Зэдуны засаглал зэрэг түүхэн маргаан, судалгааны сэдэв байсан үйл явдлуудыг бичвэл гэмт хэрэгт тооцдог болгосон байна.
Шинэ хууль нь Коммунист намын ноёрхлын ёс суртахууны үндсийг бэхжүүлэхийг эрмэлзэж буй Хятадын удирдагч Ши Зиньпиний үеийн эрчимжүүлсэн кампанит ажлын нэг хэсэг юм.
Дашрамд, "Маогийн урт гуравдугаар сар үнэхээр тийм ч удаан байгаагүй гэж үү? Маогийн хүү Мао Аньин Солонгосын дайны үеэр шарсан будаа хийхээр зуух асааснаас болж Америкийн агаарын дайралтанд өртөж амиа алдсан уу?" зэрэг эдгээр асуултыг асуух нь баривчлах, яллах шалтгаан болдог болжээ.
"Энэ бол туйлын улс төрийн тоталитаризм тогтоосны шинж" гэж улс төр судлаач Ву Цян хэллээ.
Б.Бүжлхамаа
www.nytimes.com