Хятадын теннисний од Пэн Шуай БНХАУ-ын дэд ерөнхий сайд асан өөрт нь бэлгийн хүчирхийлэл үйлдсэн хэмээн олон нийтэд дэлгэв. Энэ нь анх удаа Хятадын Коммунист намын эрх мэдлийн дээд түвшинд хүрсэн хэрэг болов.
Пэн 2012-2017 онд намын Улс төрийн товчооны Байнгын хороонд ажиллаж байсан Жан Гаолигийн тухай цахим хуудаснаа нийтэлсэн байна.
Мөн тэрээр энэ нийтлэлдээ түүнийг буруутгах "нотлох баримт" гаргаж чадахгүй гэдгээ бичжээ.
Энэ тухай бичлэгийг Weibo платформоос хэдхэн минутын дотор устгасан боловч тус улсын цахим орчинд түймэр мэт тархсан юм.
Пэн өөрийн нийтлэлдээ "Таны "Би нэр хүндтэй хүн, Ерөнхий сайдын орлогч хүн, чамаас айхгүй" гэж хэлснийг би мэднэ. Гэхдээ энэ нь өөрийгөө устгах гэж байсан ч би чиний тухай үнэнийг хэлье" гэсэн байна.
Хятадын эрх баригчид өмнө нь төрийн албан хаагчдыг бэлгийн хүчирхийллийн хэрэгт буруутгаж байсан ч Жан шиг улс төрийн дээд удирдагчид бэлгийн хүчирхийллийн хэрэгт холбогдож байсангүй.
Энэхүү мэдэгдлийн дараа хятадын интернэт орчинд Пэнгийн нэр болон теннис гэсэн үг хаагджээ. Энэ нь Хятад улс намын удирдагчдын эсрэг буруутай үйлдлийн талаар хэлэлцэхэд маш эмзэг байгааг харуулж байна.
Б.Бүжлхамаа
www.nytimes.com
