Талибанчууд Афганистан улсыг хяналтандаа авснаас хойш хоёр сарын хугацаанд ISIS-K гэгддэг Афганистан дахь Исламын улс бүлэглэл халдлага үйлдлээ нэмэгдүүлсээр байна. Талибанчууд 20 жил босогчдын хувиар тулалдсаны эцэст одоо хууль, журам сахиулахаар тэмцэж байна.
Сүүлийн хэдэн долоо хоногт Кундуз, Кандагар зэрэг чухал хотуудад халдлагын улмаас 90 гаруй хүн амь үрэгджээ. Тэд ихэвчлэн Талибан бүлэглэлүүд болон шийтийн цөөнх рүү чиглэсэн халдлага үйлдэж буй.
Барууны албаныхан Исламын улс 6-12 сарын дотор олон улсын объектуудад цохилт өгөх чадвартай болж магадгүй гэж санаа зовж байна.
Есдүгээр сарын 18-аас Аравдугаар сарын 28-ны хооронд ISIS-K хамгийн багадаа 54 халдлага үйлдсэн бөгөөд үүнд амиа золиослогч бөмбөг дэлбэлэх, аюулгүй байдлын шалган нэвтрүүлэх цэгүүдэд отолт хийсэн байна.
Энэ нь бүлгийн хамгийн идэвхтэй, үхлийн аюултай үеүүдийн нэг байв.
АНУ-ын Батлан хамгаалахын бодлогын асуудал эрхэлсэн сайдын орлогч Колин Кал, Талибанчууд ISIS-K-г хөөцөлдөх чадварыг “тодорхойлох ёстой” гэж мэдэгдсэн байна.
Дашрамд, Талибаны албаныхан АНУ-тай хамтран ажиллахаас татгалзсаны дараа тус улсаас найдвартай тагнуулын мэдээлэл ирэхээ больжээ.
Б.Бүжлхамаа
www.nytimes.com
