Далай тэнгисийн өсөлт, цаг агаарын эрс тэс уур амьсгал, хурдацтай өөрчлөгдөж буй экосистемийн дунд Глазго хотод дэлхийн уур амьсгалын дээд хэмжээний уулзалт эхэллээ. 

Даваа гаригийн үдээс хойш 120 гаруй орны удирдагчид цугларсан COP26 гэгддэг дээд хэмжээний уулзалтыг "Уур амьсгалын өөрчлөлт дэлхийг аль хэдийн сүйрүүлж байна" хэмээн эхлүүлжээ.

НҮБ-ын Ерөнхий нарийн бичгийн дарга Антонио Гутерриш чуулганыг нээж, дэлхийн дулаарлыг шийдвэрлэхийн тулд дэлхий нийтээрээ нэгдэж чадаагүй байгааг хатуу шүүмжлэв.

Тэрээр "Бид шатааж, өрөмдөж, хангалттай олборлолоо. Бид өөрсөддөө булшаа ухаж байна" гэв.  

Аж үйлдвэрийн хувьсгалаас өмнөх үеийнхтэй харьцуулахад дэлхийн температурын дундаж өсөлтийг зууны эцэс гэхэд цельсийн 1.5 хэм хүртэл хязгаарлах нь гол зорилго юм. Зарим улс орон байх ёстой газраасаа хол хоцорч байгаа бөгөөд Хятад улс хатуу амлалт өгөөгүй. 

Харин АНУ цомхотгол хийх амлалт өгсөн ч тэндхийн хууль тогтоогчид шаардлагатай арга замыг хараахан батлаагүй байна. 

Сонирхолтой:

• Орос, Хятадын удирдагчид оролцохгүй байсан нь анхаарал татаж байв. 

• БНХАУ-ын дарга Ши Жиньпин дээд хэмжээний уулзалтын үеэр мэдэгдэл хийх төлөвтэй байсан аж.

• Энэтхэгийн Ерөнхий сайд Нарендра Моди өөрийн улс сэргээгдэх эрчим хүчний эх үүсвэрийг үлэмж өргөжүүлж, 2070 он гэхэд “цэвэр-тэг” байх зорилт тавина гэж мэдэгдэв.

• Байдены үндэсний аюулгүй байдлын зөвлөх Жейк Салливан Хятадыг утааг бууруулах тал дээр хоцрогдсон гэж шүүмжилжээ.

• ЕХ-ны гишүүн 27 улс "хамгийн чухал утаа"-г бууруулах чиглэлээр ажиллаж байгаа гэв.

• Бразилийн уугуул идэвхтэн Тхай Суруи Амазоны сүйрэлд анхаарлаа хандуулж "Гол мөрөн ширгэж, манай ургамал өмнөх шигээ цэцэглэхгүй байна" гэжээ. 

Б.Бүжлхамаа

www.nytimes.com