Суданы цэргийнхэн даваа гаригт засгийн эрхийг булаан авч, Ерөнхий сайд болон бусад улс төрийн удирдагчдыг баривчилжээ.
Ийнхүү өрнөж буй төрийн эргэлт Африкийн хамгийн том улсуудын нэгэнд ардчилсан шилжилт хийх итгэл найдвар байхгүй болж, дэлхийд хүчтэй цохилт боллоо.
Цэргийн дарга дэслэгч генерал Абдель Фаттах аль-Бурхан хэвлэлийн бага хурал зарлаж, тус улсын иргэний цэргийн хамтарсан засгийн газрыг татан буулгаж, онц байдал тогтоохоор болсноо мэдэгдсэн байна.
Тэрээр 2023 оны Долдугаар сард хийхээр төлөвлөж буй сонгуулийг урагшлуулахаа амласан хэвээр байна.
Хэдэн долоо хоногийн турш хурцадмал байдал нэмэгдэж, цэргийнхэн засгийн эрхийг авахаар төлөвлөж байна гэсэн шинж тэмдэг илэрч байжээ. Генерал Абдель Суданы улс төрийн бүлэглэлүүдийн хоорондын үймээн самуун, хэрүүл маргааныг энэ бүхэнд буруутгасан байна.
Одоогоор төрийн эргэлт хийх оролдлогын ард олон талт хуваагдсан цэргийнхэн нэгдсэн эсэх нь тодорхойгүй байгаа аж.
Нийслэл Хартум хотод олон мянган жагсагчид гудамжинд гарч эсэргүүцсээр байгаа аж. Ардчиллын төлөөх жагсагчид руу цэргүүд буудаж, наад зах нь гурван хүн амиа алдаж, 80 гаруй хүн шархадсан гэж эмнэлгийнхэн мэдээллээд байна.
Энэ үеэр эрх баригчид интернэт холболтыг тасалсан нь сүүлийн жилүүдэд тус улсад тохиолдсон томоохон үйл явдлын нэг болжээ.
Б.Бүжлхамаа
www.nytimes.com
